Grqamol.am » Գրքամոլ Ակումբ » Հասցրու անդամագրվել «Գրքամոլ» ակումբի այս տարի ձևավորվող միակ խմբին

Հասցրու անդամագրվել «Գրքամոլ» ակումբի այս տարի ձևավորվող միակ խմբին

Բոլորիդ կողմից սիրված Գրքամոլը չի դադարում անակնկալներ մատուցել իր սիրելի ընթերցողներին. ցանկանում ենք բոլորիդ տեղեկացնել, որ այժմ մենք սկսում ենք ակումբի նոր՝ ՉՈՐՐՈՐԴ ԽՄԲԻ անդամակցությունը (հանդիպումները սկսվելու են սեպտեմբեր ամսից):

► Գրքամոլ Ակումբի անդամ կարող է դառնալ յուրաքանչյուր ընթերցասեր, ով պարտաճանաչ կերպով կներկայանա ակումբի հանդիպումներին: Քննարկումներն անցկացվում են յուրաքանչյուր երկու շաբաթը մեկ անգամ՝ երեկոյան ժամը 17:00-19:00 ընկած ժամանակահատվածում Ավ. Իսահակյանի անվան գրադարանում:
Մենք շատ ուրախ կլինենք, որ Գրքամոլ Ակումբի նոր՝ չորրորդ խմբի անդամ դառնան նաև այնպիսի երիտասարդներ, ովքեր ընթերցել են շատ քիչ գրքեր, հեռու են գեղարվեստական գրքերի ընթերցանությունից, սակայն այժմ մեծ ցանկություն ունեն դառնալու այդպիսին: Ինչպես նաև մենք մեծ ցանկություն ունենք, որպեսզի ակումբի անդամ դառնալու ցանկություն հայտնեն տղաները:

* Կրկին անգամ կարող են դիմել նաև նրանք, ովքեր նախորդ անդամակցությունների ժամանակ դուրս են մնացել հարցազրույցի փուլից։

Ակումբի շրջանակներում կազմակերպվում են՝

► I մակարդակ. Գրքերի քննարկումներ – 8 գիրք,
► II մակարդակ. Հեղինակների կենսագրությունների ուսումնասիրում և յուրաքանչյուր հեղինակից հայտնի մեկ ստեղծագործության քննարկում – 7 հեղինակ և գիրք,
► III մակարդակ. Տվյալ գրքերի հիման վրա նկարահանված ֆիլմերի դիտում և համեմատում գրքի հետ – 6 ֆիլմ/գիրք:

Հանդիպումներին ժամանակ առ ժամանակ հրավիրվում են գրականագետներ, գրողներ, թարգմանիչներ, անցկացվում են բաց հանդիպումներ:

ՈՒՇԱԴՐՈՒԹՅՈՒՆ

«Գրքամոլ» ակումբի անդամագրման համար անհրաժեշտ է լրացնել հետևյալ հայտը, այնուհետև մասնակցել հարցազրույցին (հայտերն ընդունվում են մինչև հուլիսի 20-ը):

Հուլիսի 21-ից հետո մենք կկապվենք Ձեր հետ և կսկսվի հարցազրույցի փուլը, որտեղ վերջնական կորոշվի ակումբի անդամ դառնալը:

Հ.Գ. 2017 թվակնին Գրքամոլ Ակումբի նոր ձևավորվող խումբ այլևս չի լինելու, եթե ցանկություն ունեք դառնալու ակումբի անդամ, ապա այժմ ճիշտ ժամանակն է:

 



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: