Grqamol.am » Գրքամոլ Ակումբ » Գրքամոլ Ակումբ. Քննարկում ութերորդ. Ֆրանց Կաֆկա «Դատավարություն»

Գրքամոլ Ակումբ. Քննարկում ութերորդ. Ֆրանց Կաֆկա «Դատավարություն»

Հունվարի 20-ին Ավ. Իսահակյանի անվան գրադարանում կրկին հավաքվել էին բոլորիդ կողմից շատ իրված Գրքամոլ Ակումբի անդամնրը, ակումբ, որը մեկտեղելով հայ երիտասարդ ընթերցողներից ամենաակտիվներին, նպաստում է հայ հասարակության մեջ ընթերցանության մակարդակի բարձրացմանը:

Նորաթուխ 2015 թվականի քննարկվելիք անդրանիկ գիրքն էր Ֆրանց Կաֆկայի «Դատավարություն»-ը, հզոր ստեղծագործություն, որը ակումբի անդամները դասեցին ամենադժվար ըթնեռնելի, սակայն և միաժամանակ բոլորից ամենաշատ ասելիք պարունակող գրքերի դասին: Ինչպես նշեց ակումբի նախագահներից Հասմիկ Մելիքսեթյանը, Կաֆկայի այս գիրքը ոչ թե նպատակ ունի ամեն ինչ հասկանալի կերպով ու մանրամասնորեն իմաստը բացատրել ընթերցողին, այլ գրքի տողատակերում ստեղծել մի այնպիսի տարածություն, որտեղ ընթերցողը այդ փակ պատերով տիրույթի մեջ պետք է փնտրի գրքից իրեն հասանելիքը: Ակումբի տաբեր անդամներ նշում էին, որ այս գրքով Կաֆկան նպատակ է ունեցել մերկացնելու այդ թվականների գերմանական դատական համակարգը՝ իր թերություններով հանդերձ, իսկ մյուս մասը առաջ էր քաշում Հոբ Երանելու անմեղության կանխավարկածը, այն է, որ յուրաքանչյուր մարդ որ ծնվել է, արդեն իսկ մեղսունակ է և ինչի համար էլ որ նրան դատեն, կլինեն իրավացի: Ակումբի նախագահներից Համլետ Մուրադյանն էլ առաջարկեց իր կանխավարկածը, այն է, որ շատ հնարավոր է որ ստեղծագործությունը սկսվում է հենց Յոզեֆ Կ.-ի՝ գրքի գլխավոր հերոսի մահով, և երբ ստեղծագործության սկզբում նրան գալիս են ձերբակալելու ու դատելու, դա միայն ցույց է տալիս, որ նախորդ գիշեր նա մահացել է, և հիմա արդեն սկսվում է իր կյանքի դատը:

Ինչպես տեսնում եք, հանդիպումը հետաքրքիր էր, կարծիքները՝ ինչպես միշտ, բազմազան: Ակումբի հաջորդ հանդիպումը նախատեսված է անցկացնել փետրվարի երկուսին, որտեղ քննարկվելու է աշխարհահռչակ գերմանացի գրող Յոհան Վոլֆգանգ ֆոն Գյոթեի «Ֆաուստ»  գիրքը:

© Գրքամոլ Ակումբ – երբ մենք առաջացնում ենք հետաքրքրություն դեպի գիրքը:

Հ.Գ. Հանդիպման բոլոր նկարները կարող եք դիտել՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: