Grqamol.am » Գրքամոլ Ակումբ » Գրքամոլ Ակումբ. Բաց քննարկում և Գրքերի փոխանակում – 19.02.2016. Ստեֆան Ցվայգ «Անծանոթուհու Նամակը»

Գրքամոլ Ակումբ. Բաց քննարկում և Գրքերի փոխանակում – 19.02.2016. Ստեֆան Ցվայգ «Անծանոթուհու Նամակը»

Փետրվարի 19-ին Ավ. Իսահակյանի գրադարանի Ամերիկյան Կենտրոնում իսկական գրքի տոն էր: Հավաքվել էին ոչ միայն Գրքամոլ Ակումբի անդամները, այլ նաև Գրքամոլ էջի շատ ու շատ ընթերցասերներ, ովքեր ցանկություն ունեին միմյանց հետ գրքեր փոխանակելու, ինչպես նաև քննարկելու Ստեֆան Ցվեյգի «Անծանոթուհու Նամակը» պատմվածքը: Ինչ վերաբերում է ստեղծագործությանը, ապա մասնակիցների մեծամասնությունը չէր հավանել այն, քանի որ հիմնական մասը մեղադրում էր “Անծանոթուհուն” այն բանի համար, ով այդքան տարիներ լռել էր և միայն մահվան մահճում որոշեց իր սիրելիին արտահայտել իր սիրո, և նրանից երեխա ունենալու մասին: Իսկ ընթերցողների այն քիչ մասն էլ, ովքեր ցանկացած ստեղծագործությունից փորձում են վերցնել այն ամբողջ լավը, որ կա նրա մեջ, նշում էին, որ Ցվայգը իր այս գրքով ներկայացրել է սիրո յուրահատուկ, մի ուրիշ, ավելի՝ պլատոնական տեսակ, և որը ավելի վեհ ու արտահայտիչ է, քան սիրո այլ դրսևորումները:

Քննարկումից հետո մասնակիցները բաժանվեցին 3 խմբի, և նրանցից յուրաքանչյուրը մտածեց հետևյալը. որ եթե հնարավորություն լիներ “Անծանոթուհու” նամակին պատասխանել, ապա գրքի հերոսը ինչ կգրեր նրան այդ դեպքում:

Իսկ խմբային քննարկումից հետո ընթերցասերները փոխանակվեցին իրենց հետ բերված գրքերով, և բոլորը գոհ ու շնորհակալ այս անգամ ևս հեռացան ակումբից:

Գրքամոլ Ակումբի հաջորդ բաց հանդիպումը կանցկացվի մարտ ամսին:

Հ.Գ. Հանդիպման բոլոր նկարնեն այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: