Grqamol.am » Գրքամոլ Ակումբ » «Հայացք ապագային-2014» խորագրով երիտասարդական կազմակերպությունների ցուցահանդես

«Հայացք ապագային-2014» խորագրով երիտասարդական կազմակերպությունների ցուցահանդես

Նոյեմբերի 13-ին և 14-ին Հայաստանի երիտասարդական հիմնադրամը Երևանում անցկացրեց «Հայացք ապագային-2014» խորագրով երիտասարդական կազմակերպությունների ցուցահանդես-համաժողովը, որի ժամանակ առանձին տաղավարներում իրենց գործունեությունը ներկայացրին Հայաստանում և Արցախում գործող երիտասարդական կազմակերպությունները՝ այդ թվում բոլորիդ կողմից շատ սիրված Գրքամոլ Նախաձեռնությունը: Գրքամոլի՝ մեր կողմից պատրաստված տաղավարը իրենից ներկայացնում էր գրական ոճի մեջ պատրաստված գեղեցիկ մի անկյուն, որտեղ ընթերցասեր հաճախորդները կարող էին նստել տաղավարում և մեկ գավաթ թեյով ընթերցել իրենց սիրած գիրքը: Բազմաթիվ ուսանողներ և տարբեր կազմակերպություններ ակտիվորեն իրենց հետաքրքրությունն էին ցուցաբերում Գրքամոլի նկատմամբ, ինչի արդյունքում երկուստեք ստեղծվեցին նոր ծանոթություններ և միասին նոր ծրագրեր իրականացնելու հեռանկարներ:

Գրքամոլի տաղավարին իրենց մեծ հետաքրքրությունը ցուցաբերեցին նաև ՀՀ Վարչապետ Հովիկ Աբրահամյանն ու ՀՀ ԿԳ Նախարար Արմեն Աշոտյանը, ովքեր ջերմորեն զրուցեցին Գրքամոլ Ակումբի անդամների հետ, ծանոթացան խմբի առաքելությանն ու նպատակին, իսկ Արմեն Աշոտյանը հավանություն տվեց կայքի բարձր որակին:

Հ.Գ. Բոլոր նկարները՝ մեր ֆեյսբուքյան էջում



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: