Grqamol.am » Գրքամոլ Ակումբ » Մեկնարկում է Գրքամոլ Ակումբի նոր՝ երկրորդ խումբը

Մեկնարկում է Գրքամոլ Ակումբի նոր՝ երկրորդ խումբը

Բոլորի կողմից սիրված Գրքամոլը չի դադարում անակնկալներ մատուցել իր սիրելի ընթերցողներին: Մենք ցանկանում ենք բոլորիդ տեղեկացնել, որ մեր նախաձեռնությամբ ստեղծված Գրքամոլ ընթերցասերների ակումբը այժմ հավաքագրում է նոր անդամներ՝ հիմնելով Գրքամոլ Ակումբի առանձին նոր՝ երկրորդ խումբը: Շուրջ 9 ամիս տևած մեր հանդիպումներից հետո մենք հասկացանք, որ մեր ակումբի պահանջարկը էլ ավելի է մեծացել, և որ մեր ընթերցողները կարիք ունեն նման հանդիպումների, ինչի մասին էին վկայում հենց ձեր տասնյակ նամակները՝ ընգրկվելու նոր ակումբի կազմում:

Նոր խումբը ձևավորելով, մենք շարունակում ենք իրականացնել մեր առաքելությունը, և հայ ընթերցասերների համար ստեղծում ենք ակումբ, որտեղ հավաքվելով և ընկերական ու ջերմ մթնոլորտում քննարկվելով մեր կարդացած գրքերը՝ հարստացնում ենք և՛ մեր կարդացած գրքերի ցանկը, և՛ զզարգացնում մեր վերլուծական մտածողությունը:

► Ակումբի անդամ կարող է դառնալ յուրաքանչյուր ընթերցասեր, ով պարտաճանաչ կերպով կներկայանա ակումբի հանդիպումներին: Նախատեսված է ակումբի հանդիպումներն անցկացնել յուրաքանչյուր երկու շաբաթը մեկ անգամ՝ շաբաթ օրը, երեկոյան ժամը 18:00-20:00 ընկած ժամանակահատվածում Ավ. Իսահակյանի անվան գրադարանի ընթերցասրահում: Հանդիպումներին 2 անգամից ավել չներկայանալու դեպքում տվյալ անդամը հեռացվում է ակումբից:

Ակումբի շրջանակներում կազմակերպվում են՝

► Մեր կողմից ընտրված գրքերի քննարկումներ (I մակարդակ),
► Հեղինակների կենսագրությունների ուսումնասիրում և յուրաքանչյուր հեղինակից մեկ հայտնի ստեղծագործության քննարկում (II մակարդակ),
► Ընտրված գրքերի հիման վրա նկարահանված ֆիլմերի դիտում և քննարկում (III մակարդակ).

Ինչպես նաև կիրականացվեն այցեր դեպի հայ գրողների տուն-թանգարաններ: Հանդիպումներին ժամանակ առ ժամանակ հրավիրվում են տարբեր գրականագետներ, գրողներ, հրապարակախոսներ:

ՈՒՇԱԴՐՈՒԹՅՈՒՆ

«Գրքամոլ» ակումբի անդամագրման համար նախ անհրաժեշտ է համակարգչով լրացնել հետևյալ հայտը, ուղարկել մեզ, այնուհետև մասնակցել մեր կողմից անցկացվող հարցազրույցի փուլին, որտեղ վերջնական կորոշվի ձեր՝ ակումբի անդամ դառնալ-չդառնալը:

Հայտը լրացնելու համար՝

1. Այցելեք հետևյալ հղումով՝ http://bit.ly/GrqamolAkumb
2. Ներբեռնեք հայտը համակարգչի մեջ
3. Լրացրեք այն և ուղարկեք grqamol@gmail.com էլ. հասեցին` նամակի թեմա բաժնում լրացնելով «Գրքամոլ Ակումբ»:

Կրկին հիշեցնենք, որ հայտը լրացնելուց հետո դուք մասնակցում եք մեր կողմից անցկացվող հարցազրույցի փուլին, որտեղ վերջնական որոշվում է Ձեր՝ Գրքամոլ Ակումբի անդամ դառնալ չդառնալը:

Հայտերն ընդունվում են մինչև մայիսի 31-ը ներառյալ:

Հ.Գ. Հատուկ շնորհակալություն ենք հայտնում Ավ. Իսահակյանի գրադարանի տնօրեն Հասմիկ Կարապետյանին՝ մեր նախաձեռնությանը ընդառաջելու և ընթերցասրահը մեզ տրամարդելու համար:

© Գրքամոլ Ակումբ
http://grqamol.am/akumb/



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: