Grqamol.am » Գրքամոլ Ակումբ » Գրքամոլ Ակումբ. Քննարկում չորրորդ. Միխայիլ Լերմոնտով «Մեր ժամանակի հերոսը»

Գրքամոլ Ակումբ. Քննարկում չորրորդ. Միխայիլ Լերմոնտով «Մեր ժամանակի հերոսը»

Ավ. Իսահակյանի գրադարանում հոկտեմբերի 13-ին «Գրքամոլ Ակումբ»-ի շրջանակներում տեղի ունեցավ ակումբի չորրորդ հանդիպումը, որտեղ այս անգամ քննարկվեց ռուս դասական գրող Միխայիլ Լերմոնտովի «Մեր ժամանակի հերոսը» գիրքը: Ակումբի մասնակիցները ակտիվորեն քննարկում էին «մեր ժամանակի հերոս» հանդիսացող Պեչորինի կերպարը, որպես կերպար առանձնացնում նրա դրական և բացասական կողմերը, ինչպես նաև քննարկվեց Լերմոնտովի ստեղծագործական ոճը՝ որպես յուրօրինակ և անհատական ձեռագիր ունեցող ստեղծագործողի: Ինչպես բոլոր գրքերը, այս գիրքը ևս դասվեց ակումբի բոլոր քսան անդամների սիրված գրքերի ցանկին և բոլորի մոտ թողեց իր ուրույն հետքն ու մնայուն արժեքը:

Գրքամոլ Ակումբը շարունակում է համաշխարհային գրականության արժեքների ներկայացումը հայ հասարակությանը՝ ինչպես «Գրքամոլ Ակումբ»-ի ներքին շրջանակներում, այնպես էլ տասնյակ հազարավոր ընթերցողների ամենասիրելի Գրքամոլ էջում, և մենք շարունակում ենք ռուս դասականների ներկայացումը հայ ընթերցասեր հասարակությանը: Այս անգամ, հոկտեմբերի 24-ին Ավ. Իսահակյանի գրադարանում քննարկվելու է ռուս դասական Իվան Տուրգենևի «Հայրեր և Զավակներ» ստեղծագործությունը:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: