Grqamol.am » Գրքամոլ Ակումբ » Գրքամոլ Ակումբ. Քննարկում տաս. Րաֆֆի «Ոսկի Աքաղաղ»

Գրքամոլ Ակումբ. Քննարկում տաս. Րաֆֆի «Ոսկի Աքաղաղ»

Փետրվարի 13-ին դարձյալ հանդիպեցին Գրքամոլ Ակումբի անդամները՝ քննարկելու բոլորի կողմից սիրված հայ գրող Րաֆֆու «Ոսկի Աքաղաղ»-ը գիրքը: Ակումբի անդամները քննարկումն անցկացրեցին մի քանի տեսանկյունից՝ տվյալ ժամանակաշրջանի Հայաստանի սոցիալ քաղաքական իրավիճակը, աղքատությունը, հայ հարուստ վաճառականներից հարստահարված աղքատ ժողովուրդը, ինչպես նաև հայրենասիրությունը: Ինչպես իր բոլոր ստեղծագործությունների մեջ, այս գրքում ևս Րաֆֆին դուրս հանեց հայ ազգի թերությունները՝ հանձինս հանուն շահի միջազգային թշնամություններ լարելը, ինչը վառ երևում էր գրքի մի քանի հատվածներում, օրինակ՝

«Մոսկվայում, որպես ամեն տեղ, մի երկրի հայ վաճառականը սաստիկ ատելություն ուներ դեպի մի օտար երկրացին ընդհանրապես, օրինակ, ղարաբաղցին ատում էր զոկին, զոկը՝ թիֆլիսեցուն և այլն: Իսկ միևնույն երկրի վաճառականը ատում էր իր երկրացուն մասնավորապես, օրինակ, մի հաշտարխանցի մյուս հաշտարխանցուն չէր կարող համբերել: Ամեն մեկը պատրաստ էր վնասել իր ընկերին, թեև գիտենար, որ օտարին 10 կոպեկ վնաս տալով ինքը 20 կոպեկ պիտի վնասվեր: Խոսքի անկեղծություն չկար նրանց մեջ. բոլորը մեկ-մեկու խաբում էին, թեև բոլորն էլ ցույց էին տալիս միմյանց սաստիկ մտերմություն: Դատարկ կյանքը, անգործությունը շինել էր նրանցից մի տեսակ վայրահաչներ, որ մինը մյուսին կծելու սովորություն ուներ»:

կամ

«Միքայելը երկար խոսում էր վաճառականական խարդախությունների վրա և երևան էր հանում հայ վաճառականի բոլոր կեղտերը, որով ապականված է նա, ավելացնելով, թե այդ կեղտը տարածվում է ամբողջ հայ ազգի վրա, որովհետև օտարազգին մեզ ճանաչում է վաճառականների երեսով, որոնք թափառում են երկրագնդի ամեն կողմերում, և մի քանի անպիտանների պատճառով վատ կարծիք է կազմում ամբողջ ազգի մասին, մինչդեռ նրա մեծամասնությունը, որ բաղկացած է արհեստավորներից և երկրագործներից, խիստ բարի և բարոյական մարդիկ են»:

Ակումբի անդամները նաև կիսվեցին գրքից դուրս բերված իրենց մեջբերումներով և ստեղծագործության մասին իրենց անալիտիկ վերլուծություններով:

Բոլոր նկարներն՝ այստեղ:

Հ.Գ. Քննարկելով հայ մեծ դասականին, հաջորդ հանդիպմանը Գրքամոլ Ակումբը անցում կկատարի գերմանական գրականություն՝ քննարկելու Ֆրիդրիխ Նիցշեի «Այսպես Խոսեց Զրադաշտը» գիրքը:

 



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: