Grqamol.am » Գրքամոլ Ակումբ » Գրքամոլ Ակումբ. Քննարկում տասնյոթ. Շառլոթ Բրոնտե «Ջեյն Էյր»

Գրքամոլ Ակումբ. Քննարկում տասնյոթ. Շառլոթ Բրոնտե «Ջեյն Էյր»

Օգոստոսի 8-ին Ավ. Իսահակյանի անվան գրադարանում տեղի ունեցավ «Գրքամոլ ակումբի» երրորդ մակարդակի առաջին հանդիպումը: Քննարկվելիք գիրքն էր Շառլոթ Բրոնտեի «Ջեյն Էյր»-ը: Երրորդ փուլում ակումբում քննարկում ենք ոչ միայն գրքերը, այլ նաև դիտում դրանց հիման վրա նկարահանված ֆիլմերը` քննարկման ընթացքում խոսելով գրքի և ֆիլմի ընդհանրությունների և տարբերությունների մասին: Քննարկումն անցավ բավականին հետաքրքիր, քանի որ համեմատության առարկաները լինում էին և՛ նման, և՛ տարբեր, ինչն էլ քննարկմանը տալիս էր բուռն և հետաքրքիր զարգացում: 2003թ. տվյալներով «Ջեյն Էյրը» լավագույն 200 գրքերի ցուցակում զբաղեցրել է 10-րդ տեղը, իսկ գրքի բովանդակության հիման վրա նկարահանվել են մոտ մեկտասնյակ ֆիլմեր, և չնայած այն փաստին, որ կան բազմաթիվ կինոտարբերակներ, ակումբի անդամներին ավելի հարազատ էր գրքային տարբերակը: Գրքում իրադարձությունների ընթացքը բավականին սահուն է՝ ինչն էլ կլանում է ընթերցողին: Հեղինակը կարողացել էր պարզ, մատչելի ձևով ներկայացնել հերոսներին և նրանց զգացմունքները այնպես, որ ցանկացած ընթերցող կարողանում է տարվել նրանցով և նրանց սիրո պատմությամբ: Բացի նրանից, որ գիրքը ներկայացնում է մեծ սիրո պատմություն, այն նաև ուսուցողական է, քանի որ հերոսուհին չնայած կյանքի դժվարություններին, մենակությանը և դաժան մանկությանը, երբևիցէ չի չարանում, այլ իր մեջ պահում է բարին և մարդկայինը: Ֆիլմը ևս հետաքրքիր էր և հաջողված:

Հ․Գ․ Մենք սիրով և հպարտությամբ նշում ենք, որ քննարկման այս ֆորմատը ևս ստացված էր՝ քանի որ ֆիլմի դիտումը անցավ բավականին ջերմ և ընկերական հաճելի միջավայրում, իսկ համատեղ քննարկումը հանդիպումը դարձրեց անմոռանալի: Գրքամոլ Ակումբի հաջորդ հանդիպումը կանցկացվի օգոստոսի 15-ին, որտեղ քննարկվելու է Էմիլ Զոլայի «Թերեզ Ռաքեն» գիրքը և դիտվելու է համապատասխան ֆիլմը:

Հանդիպման բոլոր նկարներն այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: