Grqamol.am » Գրքամոլ Ակումբ » Վարպետության դասեր ամերիկյան հանրահայտ գրողների կողմից երիտասարդ հայ գրողների համար (Գրքամոլ Ակումբ)

Վարպետության դասեր ամերիկյան հանրահայտ գրողների կողմից երիտասարդ հայ գրողների համար (Գրքամոլ Ակումբ)

Հոկտեմբերի 21-ից 23-ը ՀՀ-ում Ամերիկյան դեսպանատան կողմից Ավ.Իսահակյանի անվան կենտրոնական գրադարանում երիտասարդ հայ գրողների համար ամերիկյան հանրահայտ գրողների կողմից անցկացվեցին վարպետության դասեր, որին Գրքամոլ Ակումբից իրենց ակտիվ մասնակցությունը ցուցաբերեցին երեք անդամներ:

Միջոցառման նպատակն էր ժամանակակից ու ճանաչված գրողների փորձի փոխանակումը երիտասարդ ու սկսնակ ստեղծագործողների  հետ: Միջոցառման երեք օրերի ընթացքում ամերիկացի հանրահայտ գրողներ Գիշ Ջենը, Գրեգորի Օրֆալին, Մերի Հայքմանը, ամենրիկահայ սիրված գրող Փիթեր Բալաքյանը, ինչպես նաև Այովայի համալսարանի Գրողների միջազգային ծրագրի ղեկավար, գրող Քրիսթոֆեր Մերրիլը կիսվեցին մասնագիտական խորհուրդներով: Փոքրիկ դասախոսությունից հետո միջոցառման մասնակիցներին տրվեց ժամանակ տվյալ ժանրում որևէ թեմայով կարճ ստեղծագործություն գրելու համար, իսկ այդ գործընթացն ուղեկցվում էր նաև տարաբնույթ  երաժշտությամբ, ինչն ավելի էր բորբոքում մասնակիցների երևակայությունը, այնուհետև ստեղծագործություններն ընթերցվում էին ու վերլուծվում: Դասախոսները յուրաքանչյուր ստեղծագործողնի հետ կիսվեցին իրենց անհատական խորհուրդներով, ապա սկսվեց հետաքրքիր քննարկումը մասնակիցների մասնակցությա, ինչի արդյունքում ստեղծվում էր հաճելիմթնոլորտ:

Միջոցառման արդյունքում մասնակիցներն իմացան  ընթերցողներին հետաքրքիր լինելու փոքրիկ գաղտնիքները: Սովորեցին, թե տվյալ ժանրում ստեղծագործելիս հատկապես ինչի վրա է հարկավոր մեծ ուշադրություն դարձնել: Ծանոթացան նաև բառախաղի ու համամեմատությունների անհատականության արվեստին:

Գրողները պատրաստակամորեն պատասխանեցին մասնակիցների յուրաքանչյուր հարցին և բավարարեցին հետաքրքրասեր ու սկսնակ ստեղծագործողի հարցերի տեղատարափը: Վերջում գրողներից ոմանք կիսվեցին նույնիսկ  իրենց էլ.-փոստի հասցեներով, որպեսզի թարգմանված վիճակում ծանոթանան երիտասարդների նոր ու ավարտուն ստեղծագործություններին և փորձեն օգնել կայանալու գործում:

© Գրքամոլ Ակումբ



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: