Grqamol.am » Գրքամոլ Ակումբ » Գրքամոլ Ակումբ. Խումբ Առաջին. Քննարկում քսան. Էմիլի Բրոնտե «Մոլեգին հողմերի դարավանդ»

Գրքամոլ Ակումբ. Խումբ Առաջին. Քննարկում քսան. Էմիլի Բրոնտե «Մոլեգին հողմերի դարավանդ»

 

Սեպտեմբերի 26-ին Ավ. Իսահակյանի անվան գրադարանում տեղի ունեցավ Գրքամոլ ակումբի առաջին խմբի երրորրդ մակարդակի հերթական քննարկումներից մեկը: Այս անգամ քննարկման համար ընտրվել էր Էմիլի Բրոնտեի «Մոլեգին հողմերի դարավանդ» գիրքը: Այս մակարդակի քննարկման կարգի համաձայն՝ ակումբի մասնակիցները նախ դիտեցին ֆիլմը, ապա սկսեցին համեմատականներ անցկացնել գրքի և ֆիլմի միջև: Բոլորը միաձայն նշում էին, որ Հիթքլիֆ կերպարը մարմնավորելու համար ընրտրվել է սխալ դերասան, քանզի գրքում նա ներկայացված է որպես սևամորթ, իսկ ֆիլմում կերպարին մարմնավորում էր Թոմ Հարդին: Երբ ֆիլմն ավարտվեց և սկսեց քննարկումը, մասնակիցները դժվարանում էին պատասխանել, թե որն ավելի հավանեցին՝ ֆիլմը թե գիրքը, սակայ այն, որ թե՛ մեկը և թե՛ մյուսը տպավորիչ էին, համակարծիք էին բոլորը: Մասնակիցներից շատերը նշում էին, որ իրենք էլ եթե լինեին Հիթքլիֆի փոխարեն, կընտրեին վրեժի ճանապարհը, ոմանք էլ, որ պետք չէր վերադառնալ անցյալ, պարզապես պետք էր սեփական կյանքը դասավորել: Ոմանք նշում էին, որ գրքում շատ մեծ սեր էին տեսնում, մյուսները, որ ամբողջ գիրքը սիրո մասին էր, սակայն սեր գրքում չկար: Ինչպես միշտ, ակումբի անդամները ջերմ տպավորություններով հեռացան քննարկումից, և արդեն պատրաստվում են հաջորդին՝ որի ժամանակ քննարկվելու է Գաբրիել Գարսիա Մարկեսի «Սերը ժանտախտի օրերին» ստեղծագործությունը և դիտվելու համապատասխան ֆիլմը:

Հ.Գ. հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: