Grqamol.am » Գրքամոլ Ակումբ » Խումբ Չորրորդ » Գրքամոլ Ակումբ. Խումբ Չորրորդ. Հանդիպում II. Ջոն Սթայնբեք «Մկների ու Մարդկանց մասին»

Գրքամոլ Ակումբ. Խումբ Չորրորդ. Հանդիպում II. Ջոն Սթայնբեք «Մկների ու Մարդկանց մասին»

Օրերս կայացավ «Գրքամոլ» ակումբի 4-րդ խմբի 2-րդ հանդիպումը: Իրիկնադեմին, ցերեկվա տապից հետո, թեթև մի քամի բարձրացավ, մեղմ շնկշնկաց այնտեղ, որտեղ գրքամոլցիները համախմբվել էին քննարկելու Սթայնբեքի «Մկների ու Մարդկանց մասին» նոբելյան գլուխգործոցը: Գրքի վերաբերյալ տեսակետները տարբեր էին այնքան, որքան Ջորջի կերպարի դիրքորոշումը գրքի տարբեր էջերում: Գրքամոլցիները, իրենց հատուկ զննողականությամբ, անդրադարձան գրքում հատուկ օրինաչափությանը` Գանգուրի կնոջ ու մկան նմանությանը, որոնց ճակատագրական մահը նույնն էր, ինչը նաև նույնն էր Լաննիի և Քենդիի շան դեպքում: Ակումբի անդամները չանտեսեցին նաև այն փաստը, որ հեղինակը գրել է փշրված ամերիկյան երազանքի մասին: Վեպում բոլոր կերպարներն ունեին երազանքներ, սակայն 20-րդ դարի նոր զարգացող Ամերիկայում միշտ չէր, որ բոլորը կարողանում էին իրականության վերածել իրենց ցանկությունները, դրանք փոշիանում էին դեռ ի կատար չածված: Գիրքը սիրվեց ակումբականների կողմից: Տեղի ունեցավ հետաքրքիր քննարկում: Գրքամոլցիների դիտակետում հաջորդ գիրքն է, նրանք պատրաստվում են հաջորդ հանդիպմանը, որի ժամանակ քննարկվելու է Անդրե Մորուայի «Նամակներ Անծանոթուհուն» ստեղծագործությունը:

Հ.Գ. Հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: