Grqamol.am » Գրքամոլ Ակումբ » Խումբ Երկրորդ » Գրքամոլ Ակումբ. Խումբ Երկրորդ. Քննարկում չորրորդ. Սեյրան Գրիգորյան «Ինչու ես տխուր»

Գրքամոլ Ակումբ. Խումբ Երկրորդ. Քննարկում չորրորդ. Սեյրան Գրիգորյան «Ինչու ես տխուր»

«Գրքամոլ Ակումբ»-ի երկրորդ խումբը հոկտեմբերի 31-ին հերթական թեժ քննարկումն անցկացրեց Ավ. Իսահակյանի անվան գրադարանի հարկի տակ, մտերմիկ մթնոլորտում: Քննարկվող ստեղծագործությունը հանրությանը ոչ այդքան հայտնի հեղինակի` արձակագիր Սեյրան Գրիգորյանի «Ինչու ես տխուր» վիպակն էր (1989): Այն գրողի` թվով հինգերորդ գիրքն է, որի միջոցով փորձ է արվում դիտարկել անցյալը` անհատի պաշտամունքի ծանր տարիները, երբ խաթարվում էին մարդկային ճակատագրերը: Խեղված ճակատագրերից մեկն էլ վիպակի գլխավոր հերիսինն է` Այվազինը, ով կյանքի զարտուղի ճանապարհներում դեգերում է` փնտրելով մեկ բան` արդարություն:
Ակումբի անդամների մեծ մասն առաջին անգամ էր ծանոթանում հեղինակին, և այս վիպակը ոմանց համար հող նախապատրաստեց` նրա հետագա ստեղծագործություններն ընթերցելու համար: Իսկ  գրքի մասին  հավաքվածների կարծիքները տարբեր էին. մի մասն այն համոզման էր, որ վիպակը թեթև, կյանքային գործ է, որից կարելի է  առանձնացնել  յուրահատուկ մտքեր, իսկ մյուս մասի համար այն գեղարվեստական տեսանկյունից փոքր-ինչ թույլ էր: Ամեն դեպքում, վերջիններս չմոռացան նաև վիպակը դիտարկել տվյալ ժամանակի և տվյալ իրականության  մեջ:

Քննարկման ամենահետաքրքիր հատվածը, թերևս, այն պահն էր, երբ գրքամոլցիներին հանձնարարվեց բաժանվել խմբերի. նրանք, ովքեր հավանել էին վիպակը` մատնանշեցին դրա թույլ կողմերը, իսկ նրանց, որոնց այդքան էլ չէր գրավել գործը, պետք է կարողանային դրանում գտնել ու ի հայտ բերել ստեղծագործության արժանիքները:

Արդյունքում նախաձեռնության անդամներն իրենց հանդիպումը համարեցին հաջողված, քննարկումը` օգտավետ: Իսկ հերթական գիրքը, որը նոյեմբերի 14-ին կհայտնվի նրանց քննարկումների կիզակետում` կլինի Գաբրիել Գարսիա Մարկեսի «Հարյուր տարվա մենություն» վեպը:

Հ.Գ. Հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: