Grqamol.am » Գրքամոլ Ակումբ » Խումբ Երկրորդ » Գրքամոլ Ակումբ. Խումբ Երկրորդ. Քննարկում երկրորդ. Ջորջ Օրուել «1984»

Գրքամոլ Ակումբ. Խումբ Երկրորդ. Քննարկում երկրորդ. Ջորջ Օրուել «1984»

Հոկտեմբերի 3-ին Ավ. Իսահակյանի անվ. գրադարանում անսովոր իրարանցում էր, քանի որ բացի այն, որ գրադարանում նշվում էր գրադարանավարների տոնը, ինչպես նաև Ավետիք Իսահակյանի 140-ամյակը, գրադարանի հիմնադրման 80-ամյակը և գրադարանն Ավետիք Իսահակյանի անվամբ կոչելու 60-ամյակը, այնտեղ էին հավաքվել նաև Գրքամոլ ակումբի երկրորդ խմբի անդամները` քննարկելու համար Ջորջ Օրուելի 1984 գիրքը: Քննարկումը սկսեց գրքի մասին հետաքրքիր փաստերի քննարկումով: Մասնակիցները միաբերան նշում էին, որ գրքում ակնարկվում են ԽՍՀՄ ժամանակաշրջանի բարքերը, հասարակարգը, երբ անհատը կործանվում է ամբողջատիրական համակարգի դեմ ընդվզել փորձելիս: Քանի որ վեպը հակաուտոպիական ժանրի է, քննարկվեց նաև այն, թե գեղարվեստական գրականության մեջ ինչ է նշանակում հակաուտոպիական ուղղություն. այն է, հասարակական կառուցվածքի բացասական գծերի վեր հանելը, սոցիալական կառուցվածքի զարգացման հնարավորությունների վերանայումը:
Գրքի մասին իրենց կարծիքները և վերլուծությունները ներկայացնելիս մասնակիցները բաժանվեցին երկու խմբի, անդամներ, ովքեր հավանել էին գիրքը և նշում, որ այն իրենց մեջ փոխեց պատկերացւոմները պետական կառուցվածքի մասին, և անդամներ, որոնց համար գիրքը ընդամենը սովորական գեղարվեստական ստեծագործություն էր:

Քննարկման երկրորդ մասում ակուբի նախաձեռնողները մի փոքրիկ առաջադրանք տվեցին քննարկման մասնակիցներին, այն է, նրանց բաժանելով երկու խմբերի, ընտրել գրքի որևէ պահ և այդտեղից սկսած այլ ավարտ մտածել նրա համար:

Ինչպես միշտ, քննարկման մասնակիցները տուն գնացնին բավականին տպավորված և արդեն իսկ պատրաստվում են հոկտեմբերի 17-ին քննարկվելիք գրքի՝ Էրիխ Մարիա Ռեմարկի «Երեք Ընկեր»-ի քննարկմանը:

Հ.Գ. Հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: