Grqamol.am » Գրքամոլ Ակումբ » Խումբ Երկրորդ » Գրքամոլ Ակումբ. Խումբ Երկրորդ. Քննարկում տասնմեկ. Ստեֆան Ցվայգ «Շախմատային Նովել»

Գրքամոլ Ակումբ. Խումբ Երկրորդ. Քննարկում տասնմեկ. Ստեֆան Ցվայգ «Շախմատային Նովել»

Գրքամոլցիների համար շախմատը դադարեց սոսկ խաղ լինելուց այն բանից հետո, ինչ նրանք ծանոթացան ավստրիացի գրող Ստեֆան Ցվայգի «Շախմատային նովել»-ին: Մարտի 19-ին Ավ. Իսահակյանի անվան գրադարանում ակումբի երկրորդ խմբի անդամները քննարկեցին գրողի` 1938-1941 թվականներին գրած ստեղծագործությունը:  Նրանք իրենց պատրաստած տեսանյութերի միջոցով նախ ներկայացրին Ցվայգի կյանքն ու գործունեությունը, անդրադարձան արտագաղթի, հայրենիքից հեռու լինելու, անձնական կյանքում ունեցած խնդիրիներին, որոնք իրենց անդառնալի հետքը թողեցին գրողի հոգեվիճակի վրա և հանգեցրին ինքնասպանության: Ակումբի անդամները խոսեցին նաև Ցվայգի գրական ոճի առանձնահատկությունների, իր կողմից մշակված նորավեպի սեփական տարբերակի մասին:

Իսկ «Շախմատային նովել»-ում ներկաներից ամեն մեկն իր համար գտել էր սեփական իմաստը: Նրանցից ոմանք դիտարկել էին նովելը` շախմատի տախտակը նույնացնելով կյանքի, խաղը` դրա փիլիսոփայության հետ, իսկ ոմանք էլ ստեղծագործությունը համարել էին թեթև, ժամանցային մի գործ: Հավաքվածները նովելի քննարկման ընթացքում շոշափեցին նաև ի ծնե տրվող տաղանդի և ձեռքբերովի կարողության, դրա զարգացման, մարդու թաքնված հնարավորությունների անսահմանության հարցը:

Այս անգամ էլ կարելի է համարել, որ քննարկումը բավական արդյունավետ էր` մտքերի փոխանակման, ստեղծագործության նոր շերտերի բացահայտման առումով:

Այժմ արդեն երկրորդ խմբի անդամները սպասում են ապրիլի 2-ին կայանալիք իրենց հանդիպմանը, որի ընթացքում կքննարկվի Ավետիք Իսահակյանի «Աբու-Լալա Մահարի» պոեմը:

Հանդիպման բոլոր նկարներն այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: