Grqamol.am » Գրքամոլ Ակումբ » Խումբ Երկրորդ » Գրքամոլ Ակումբ. Խումբ Երկրորդ. Քննարկում տասնյոթ. Ջեյն Օսթին «Հպարտություն և Նախապաշարմունք»

Գրքամոլ Ակումբ. Խումբ Երկրորդ. Քննարկում տասնյոթ. Ջեյն Օսթին «Հպարտություն և Նախապաշարմունք»

Հուլիսի 2-ին «Գրքամոլ» ակումբի երկրորդ խմբի  անդամները համախմբվել էին անգլիացի գրող Ջեյն Օսթինի «Հպարտություն և նախապաշարմունք» վեպի շուրջ: Նրանք նախ քննարկեցին 1813 թվականին տպագրված այս գործը, որը պատմություն է սովորական ընտանիքից սերող մի երիտասարդ աղջկա մասին, որն իր ուժեղ բնավորության և բնածին խելքի շնորհիվ կարողացել է կոտրել հասարակության մեջ արմատացած կարծրատիպերը և իսկական սեր գտնել, ապա ակումբի անդամները դիտեցին համանուն ֆիլմը (2005 թ. ռեժիսոր` Ջո Ռայթ): Գրքամոլցիները հնարավորություն ունեցան համեմատականներ տանել գրքում նկարագրվող և ֆիլմում արտացոլված իրադարձությունների միջև: Հետաքրքրական էր, որ ակումբի անդամներից ոմանք հպարտությունը վերագրել էին վեպի հերոսուհուն` Էլիզաբեթին, իսկ նախապաշարմունքը` հերոսին` Դարսիին, իսկ մյուս մասը` ճիշտ հակառակը:

Բայց կար մի հարց, որի շուրջ բոլորը համաձայն էին.  «Հպարտություն և նախապաշարմունք»-ի հերոսներին հաջողվել է հաղթահարել այն կարծրատիպը, որ ամուսնությունները պետք է կայանան միայն նույն խավի  ներկայացուցիչների  և նույն կարողությունների տեր մարդկանց միջև:  Ներկաները նկատեցին, որ այս ստերեոտիպը մինչ օրս էլ արդիական է, և դրան կարող են հաղթել միայն էլիզաբեթները` իրենց համարձակությամբ:

Այսպիսով` «Գրքամոլ»-ի հերթական հանդիպումը բավական արդյունավետ էր, իսկ այժմ արդեն ակումբի անդամները պատրաստվում են հուլիսի 9-ին կայանալիք բաց հանդիպմանը, որի ընթացքում կքննարկվի Խալեդ Հոսեյնիի «Եվ արձագանքեցին լեռները» վեպը:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: