Grqamol.am » Գրքամոլ Ակումբ » Խումբ Երկրորդ » Գրքամոլ Ակումբ. Խումբ Երկրորդ. Քննարկում վեց. Արշակ Գյումրյան «Գնչուհին»

Գրքամոլ Ակումբ. Խումբ Երկրորդ. Քննարկում վեց. Արշակ Գյումրյան «Գնչուհին»

«Գրքամոլ» ակումբի երկրորդ խմբի անդամներն իրենց` նոյեմբերի 28-ի քննարկման ընթացքում անդրադարձել էին հանրության լայն շրջանակներին ոչ այնքան հայտնի հայ հեղինակ Արշակ Գյումրյանի ստեղծագործություններից մեկին` «Գնչուհին» վեպին (1995թ.): Ավ. Իսահակյանի անվան գրադարանի դահլիճն այդ օրը ողողված էր «գնչուական» տրամադրությամբ, գրքի էջերից փոխանցված ելևէջներով ու գույներով: Հեղինակն այս վեպում ցույց է տվել ժամանակի մեջ փայլատակող սիրո հավերժ զգացումը գնչուհի Զուլմայի և Հրաչի միջև… Այդ «պայթյունից» ծնվում է մի հրաշք երեխա` կրկեսի կախարդական արտիստ Լարախաղացը, որի հետ հեղինակը հանդիպում է 17 տարի անց: Իր ձևով պարզ, դյուրըմբռնելի այս գործը Ա. Գյումրյանը սկսել էր գնչուական ռոմանսի հետևյալ տողով. «Թևերը կտրած արծիվը աչքերով է ճախրում…»: Կարծես հենց այս գաղափարն էլ կարմիր թելի պես անցնում էր վեպում նկարագրվող իրադարձությունների ֆոնով: Գրքամոլցիները վեպը դիտարկեցին երկու հիմնական տեսանկյունից` ստեղծագործություն ազատության, ապա` սիրո մասին. սրանք տվյալ դեպքում, հանգամանքների բերումով հակադրվել էին միմյանց: Նրանք քննարկեցին գնչուհու կերպարը` որպես մարդ և որպես կին: Ակումբի անդամների մեծամասնության համար տպավորիչ էր հեղինակի տարած համեմատությունները կնոջ և ծովի միջև:

Ու թեև վեպի ընթացքին հավաքվածներից ոմանք հետևել էին լարվածությամբ, այնուամենայնիվ, գտնվեցին մարդիկ, որոնց համար այն մնացել էր անավարտ: Ուստի ակումբի անդամներից ոմանք կառուցեցին դեպքերի իրենց պատկերացրած հաջորդականությունը, առաջարկեցին իրենց համար հավանական ավարտը:

Եթերային, թեթև սիրային վեպից հետո, սակայն գրքամոլցիների առջև բարդ հանձնարարական է դրված: Իրենց հաջորդ քննարկմանը նրանք պատրաստվում են քննարկել Միխայիլ Բուլգակովի «Վարպետը և Մարգարիտան»:

 
Հ.Գ. Հանդիպման բոլոր նկարներն՝ այստեղ:


Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: