Grqamol.am » Գրքամոլ Ակումբ » Խումբ Երրորդ » Գրքամոլ Ակումբ. Խումբ Երրորդ. Քննարկում Տասներեք. Ջորջ Օրուել «Անասնաֆերմա»

Գրքամոլ Ակումբ. Խումբ Երրորդ. Քննարկում Տասներեք. Ջորջ Օրուել «Անասնաֆերմա»

2017թ. ապրիլի 15-ին Ավ.Իսահակյանի գրադարանում նորից գրքի քննարկում էր, այս անգամ Գրքամոլ ակումբի երրորդ խմբի անդամները հավաքվել էին՝ քննարկելու Ջորջ Օրուելի «Անասնաֆերմա» վեպը։ Քննարկումը մեկնարկեց Օրուելի կյանքը, ստեղծագործությունը և հետաքրքիր փաստեր ներկայացնող տեսանյութով՝ պատրաստված ակումբականների կողմից, որից անմիջապես հետո սկսվեց բուն քննարկումը։ Հնչեցին բազմաթիվ կարծիքներ վեպի մասին, յուրաքանչյուրը վեպն ընկալել էր յուրովի, սակայն մեկ փաստ անհերքելի էր բոլորի համար, այն, որ հեղինակը կարողացել էր դուրս գալ ժամանակի սահմաններից, և եթե վեպը ի սկզբանե գրված էր եղել ներկայացնելու հոկտեմբերյան հեղափոխության ժամանակաշրջանի քաղաքական համակարգի կառավարման կարգը, այնուամենայնիվ պատմության շրջափուլերը նույնն են, և Օրուելը ցույց էր տվել, որ այդ ամենը չի կորցրել իր արդիականությունը նաև այսօր։ Խմբի որոշ անդամներ մեկնաբանում էին այն գեղեցիկ այլաբանությունը, որը հեղինակն օգտագործել էր ավելի պատկերավոր ներկայացնելու համար խորհրդային ժամանակաշրջանը, ոմանք էլ, անկախ ժամանակաշրջանից, իրենց համար քաղել էին գրքից մարդկային էության առանձնահատկությունները, որ հեղինակը նրբությամբ առանձնացնելով, դրել էր Անասնաֆերմայի յուրաքանչյուր բնակչի մեջ։

Քննարկումը անցավ հետաքրքիր կարծիքների առատությամբ, իսկ վերջում գրքամոլցիները դիտեցին «Անասնաֆերմա» վեպի մոտիվներով նկարահանված ֆիլմը։

Հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: