Grqamol.am » Գրքամոլ Ակումբ » Խումբ Երրորդ » Գրքամոլ Ակումբ. Խումբ Երրորդ. Քննարկում Տասնչորս. Մեդեա Բասենցյան «Արյան Կանչը»

Գրքամոլ Ակումբ. Խումբ Երրորդ. Քննարկում Տասնչորս. Մեդեա Բասենցյան «Արյան Կանչը»

Սույն թվականի մայիսի 15-ին Ավ. Իսահակյանի անվան գրադարանում «Գրքամոլ ակումբ»-ի երրորդ խմբի երկրորդ մակարդակի վերջին գրքի քննարկումն էր: Այս անգամ հեղինակի կյանքը ներկայացնելու առաջադրանքը դրված չէր ակումբականների վրա, քանի որ նրանց կողմից հյուրընկալվել էր ինքը հեղինակը`Մեդեա Բասենցյանը, քննարկվող ստեղծագործությունը կրում էր «Արյան Կանչը» վերտառությունը: Քննարկման եկած ընթերցողները հնարավորություն ունեին իրենց հուզող հարցերը գրքի և հեղինակի գրչի վերաբերյալ բարձրացնելու և ստանալու պատասխաններ անձամբ հեղինակի կողմից` սկսած ստեղծագործության վերնագրից, ավարտած վերջինիս ստեղծման նպատակով: Ի պատասխան վերոնշյալ հարցի` հեղինակը պատասխանեց, որ խնդիր ուներ ու ցանկություն` ցույց տալու, որ գենի ու արյան միջոցով փոխանցվածը չի փոշիանում երբեք: Հետաքրքիր բանավիճային հարցերը միտված էին ստեղծագործության էության բացահայտմանը, որն է`գեղեցիկ պատում մի աղջնակի մասին, ով երազանքների, ջերմ ընտանիքի մեջ մեծանալով հանկարծ բախվում է դառը իրականությանը և շուտով պիտի հասկանա, որ կյանքը ոչ թե հեքիաթ է, այլ դառը և երբեմն նույնիսկ դաժան ու բիրտ իրականություն: Նա պիտի անցնի Ցեղասպանության, այլ զրկանքների միջով, լույս աշխարհ բերի մի մանկան, ով իրեն կհիշեցնի իր սեփական վախի արտացոլանքը ու չների իրեն իր սեփական ես-ի մեղքը:

Հանդիպումն ընթացավ և ավարտվեց ջերմ մթնոլորտում, իսկ վերջում հեղինակը նվիրեց ակումբականներին իր ստորագրությամբ գրքերը:

Հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: