Grqamol.am » Գրքամոլ Ակումբ » Խումբ Երրորդ » Գրքամոլ Ակումբ. Խումբ Երրորդ. Քննարկում Տասներկու. Ստեֆան Ցվայգ «Մարդկության Աստեղային Ժամերը»

Գրքամոլ Ակումբ. Խումբ Երրորդ. Քննարկում Տասներկու. Ստեֆան Ցվայգ «Մարդկության Աստեղային Ժամերը»

Ապրիլի 2-ին «Գրքամոլ Ակումբ»-ի երրորդ խմբի անդամները հավաքվել էին քննարկելու ավստրիացի գրող Ստեֆան Ցվայգի «Մարդկության Աստեղային Ժամերը» պատմական մանրապատումների ժողովածուն: Քննարկման սկզբում մեր ընթերցողները դեռևս «Գրքամոլ Ակումբ»-ի երկրորդ խմբի անդամների պատրաստած տեսահոլովակի շնորհիվ ուսումնասիրեցին Ցվայգի կյանքը, ինչից հետո, իրենց իսկ խոստովանանքով, է՛լ ավելի սկսեցին սիրել հեղինակին և իր ստեղծագործությունը:

Պատմվածքների մեջ մեր ընթերցասերներից ոմանք հավանել էին Ցվայգի գրական լեզուն, այն թեթևությունն ու նրբությունը, որը նա հաղորդել էր մարդկության պատմական դեպքերը գրելիս, ոմանց դուր էր եկել պատմությունների հետաքրքրությունը, ոմանց այն, որ Ցվայգը այս գործերը գրելիս պատմական փաստերից չի շեղվել, իսկ ոմանց համար էլ՝ չնայած Ցվայգի պրոֆեսիոնալ ոճին, այնուամենայնիվ, որպես լուրջ գեղարվեստական գործեր դրանք ընդունելը այդքան էլ չարժեին:

Քննարկումից հետո ակումբցիները բոլորով միասին ընթերցեցին Ցվայգի ևս մեկ գործ՝ «Պայքար հանուն հարավային բևեռի»-ն, գնահատելով նավապետ Սկոտի և իր հետևորդների աննկուն պայքարը հանուն գիտության հայտնագործման և ափսոսելով նրանց դառը վախճանը:

Շուրջ 3 ժամ տևած քննարկումը, ինչպես միշտ է լինում մեզ մոտ, բովանդակալից էր, և ակումբցիներն այժմ պատրաաստվում են երկրորդ մակարդակի վերջին քննարկմանը, որտեղ մեր «զոհասեղանին» է դրվելու Ջորջ Օրուելի «Անասնաֆերմա»-ն:

Հանդիպման բոլոր նկարներն՝ այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: