Grqamol.am » Գրքամոլ Ակումբ » Խումբ Երրորդ » Գրքամոլ Ակումբ. Խումբ Երրորդ. Քննարկում Տասնութ. «Մեծն Գեթսբի»

Գրքամոլ Ակումբ. Խումբ Երրորդ. Քննարկում Տասնութ. «Մեծն Գեթսբի»

Օգոստոսի 26-ին Երևանի Ավ. Իսահակյանի անվան գրադարանում «Գրքամոլ» ակումբի անդամները բուռն կերպով քննարկեցին Ֆիցջերալդի «Մեծն Գեթսբին»։ Քննարկումը սկսվեց ամերիկյան գրականության առանցքային կետերի ուսումնասիրությամբ և ամփոփվեց ստեղծագործության բովանդակության ու կերպարային անհատականությունների բացահայտմամբ: Դեյզին թեթևամիտ ու սիրունիկ աղջնակ էր, ում համար անփույթ ապրելը հեշտ էր ու հարմարավետ, իսկ Գեթսբին քաղքենի հասարակության մեջ անցյալից եկած մի կերպար, ով այդպես էլ չընդունեց ներկան ու հավատաց, որ անցյալը կարելի է վերադարձնել: Ինչ խոսք, կույր հավատը երբեմն բացում է մահվան դռները, իսկ որպես արդյունք՝ բոլորն արդարացված էին, բոլորն ապրում էին․․․ Հաջորդիվ ֆիլմի դիտումն էր, որի վերաբերյալ կարծիքները միանշանակ էին՝ ռեժիսորը կարողացել էր լցնել գրքում առկա այն բաց տեղերը, որը չէր արել Ֆիցջերալդը, և դերասանական անզուգական խաղի շնորհիվ ավելի ընկալելի էր դարձել Գեթսբիի կերպարը՝ որպես «Մեծն», որպես ինքնազոհողության մարմնացում, ով զոհ գնաց միայն նրա համար, որ բարոյապես ավելի վեր էր գտնվում նրանից, ում համար պայքարում էր․․․

Հ.Գ. Հանդիպման բոլոր նկարներն՝ այստեղ։



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: