Grqamol.am » Գրքամոլ Ակումբ » Խումբ Երրորդ » Գրքամոլ Ակումբ. Խումբ Երրորդ. Վերջին հանդիպում

Գրքամոլ Ակումբ. Խումբ Երրորդ. Վերջին հանդիպում

Գրքամոլցիները նորից Ավ. Իսահակյանի անվան գրադարնում էին: Այս անգամ եկել էին ստանալու իրենց վկայականները, որոնք կհավաստեին այն փաստը, որ վերջիններս արդեն մեկ տարի է, ինչ Գրքամոլ ակումբի անդամ են, եկել էին հիշելու լավագույն պահերը, բուռն քննարկումները, վեճերն ու էն բոլոր հարուստ օրերը, որոնք տանելու են իրենց հետ, հարուստ՝ թե՛ գիտելիքով ու թե՛ ջերմությամբ։ Կազմեցին նույն քննարկման կիսաշրջանը ու սկսեցին ընթերցել իրենց նամակները, որ գրել էին մեկ տարի առաջ հենց իրենց՝ մեկ տարի հետո կարդալու նպատակով. ոմանց սպասումներն արդարացվել էին, ոմանցը՝ գերազանցվել… Բայց կարևորը՝ հպարտ էին, որ Գրքամոլի մասն են կազմել ու պիտի կրեն Գրքամոլ «տիտղոսը» առհավետ։ Նամակները ընթերցելուց հետո հիշողությունները ամենքին տարան այնտեղ, որտեղ էին նրանք մեկ տարի առաջ ու բոլորը փաստում էին. «գալիս էինք գրքամոլ երկու շաբաթը մեկ՝ դրսում թողնելով ողջ հոգնությունը երկու շաբաթվա, գալիս էինք ստանալու ու տալու, գալիս էինք լիցքավորվելու հաջորդ երկու շաբաթվա համար»։ Գիտեին, որ հանդիպումը վերջինը չէ, բայց շատերը հուզված էին՝ հիշելով, ինչպես իրենց զանգահարեցին՝ ասելու, որ Գրքամոլ ակումբի մասն են դարձել ու անսահման շնորհակալ ակումբի նախաձեռնողներից նման հնարավորության համար։ «Գրքամոլը սկզբում ընդամենը ակումբ էր, բայց վերջում արդեն դարձել էր ընտանիք մեզ համար», շեշտում էին ակումբականները։
Նրանք հրաժեշտ տվեցին մի փուլի, որը նրանց առաջ բացեց նոր հանդիպումների ու համագործակցությունների դռներ:

Հ.Գ. Հանդիպման բոլոր նկարներն այստեղ:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: