Համո Մուրադյան «Փարիզ»

Մենակով գնալ Փարիզ
Քայլել Էմիլ Զոլայի պողոտայով
Հիշել Թերեզ Ռաքենին
Իր չստացված սերերը
Մեր չստացված սերը,
Հիշել Տյուիլրիի այգում մեր զբոսանքը,
Մեր վերջին զբոսանքը աշնանային տերևների վրայով,
Հասկանալ, որ դարձանք էն տերևները որ տշում էինք,
Հետո գնալ Հաղթական Կամար,
Հիշել Ժոանին ու Ռավիկին,
Խմել մի շիշ կալվադոս
ու տխրել աշխարհի բոլոր մատաղ եղած սերերի համար,
Դնել վերջին կնիքը մեր հեռացումի,
Ու ստորագրել աշխարհի բոլոր բաժանումների տակ։
իսկ ամենավերջում,
սերը լքած՝
միայնակ վերադառնալ Փարիզից...

Հեղինակ՝ © Համլետ Մուրադյան