Grqamol.am » Հեղինակներ » Դերենիկ Դեմիրճյան

Դերենիկ Դեմիրճյան

Ժամանակաշրջան: 19րդ դար
Ոճ: Արձակ – Դասական
Լեզու: Արևելահայ

(1877 փետրվարի 18 – 1956 դեկտեմբերի 6) – հայ գրող, հրապարակախոս։

Դերենիկ Դեմիրճյանը ծնվել է 1877թվականին Ախալքալաքում քաղաքում, որն այսօր Վրաստանի Հանրապետության կազմում է: Կրթություն ստացել է ծննդավայրի հայոց ծխական դպրոցում, երկու տարի անց տեղափոխվել է Արդահան աշակերտել Ս. Տեր-Մելիքսեդեկյանին, 1892թ-ին ընդունվել է Էջմիածնի Գևորգյան ճեմարանը, ապա  Թիֆլիսի Ներսիսյան դպրոցում: 1900-ին հաստատվել է Թիֆլիսում, մասնակցել Հ. Թումանյանի նախաձեռնությամբ ստեղծված Վերնատուն գրական ընկերության աշխատանքներին։ Երաժշտություն ուսումնասիրելու նպատակով 1903-ին մեկնել է Մոսկվա։ 1905-10-ին սովորել և ավարտել է Ժնևի համալսարանի մանկավարժական ֆակուլտետը, վերադարձել Թիֆլիս և զբաղվել ուսուցչությամբ։  1920-ական թթ. տեղափոխվել է Երևան, որտեղ ապրել է մինչև իր կյանքի վերջը: 1953թ. ընտրվել է Հայաստանի գիտությունների ակադեմիայի անդամ, իբրև մի գրող, որ մեծ ծառայություններ ունի հայ գրականության, մշակույթի, լեզվի զարգացման գործում:

1893թ-ին «Տարազ»-ում լույս է տեսել Դեմիրճյանի անդրանիկ` «Ապագան» բանաստեղծությունը։ Այնուհետև աշխատակցել է «Տարազ», «Մուրճ», «Նոր հոսանք» պարբերականներին։ Առաջին գրքույկը՝ «Բանաստեղծություններ» խորագրով, հրատարակվել է 1899թ-ին, երկրորդը՝ 1913թ-ին։

Մինչև 1919-ը Դեմիրճյանը  ստեղծագործել է գրական բոլոր ժանրերով, այնուհետև հիմնականում անցել արձակին ու դրամատուրգիային։ Նրա ստեղծագործության գլուխգործոցը Հայրենական մեծ պատերազմի տարիներին գրված «Վարդանանք» պատմավեպն է։ Հայրենական պատերազմի ավարտից հետո մարդկանց ստեղծագործ աշխատանքին են նվիրված «Հանուն կյանքի» (1949), «Հուշ-աղբյուր» (1950) և այլ պատմվածքներ։ Կյանքի վերջին տարիներին Դեմիրճյանը գրել է «Մեսրոպ Մաշտոց» վեպը, որն անավարտ է մնացել։

Դերենիկ Դեմիրճյանը վախճանվել է 1956թ-ին Երևանում:

Աղբյուրը՝ ՀՍՀ, հատոր 3, էջ 340.

 

 

Հ.Գ. Եթե դուք ունեք լրացուցիչ տեղեկություններ, հետաքրքիր դիպվածներ այս հեղինակի կյանքից, ապա կարող եք ուղարկել մեզ հետադարձ կապով կամ էլ թողնել համապատասխան մեկնաբանությունը:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: