Grqamol.am » Մեջբերումներ Գրքերից » Չինգիզ Այթմատով «Եվ դարից երկար ձգվում է օրը»

Չինգիզ Այթմատով «Եվ դարից երկար ձգվում է օրը»

► Մարդու համար մեկ չէ, թե աշխարհում ինչն է ինչպես: Nա տանջվում, չաչարվում է, նրան թվում է, թե ուրիշ տեղում, ուրիշ մարդկանց մեջ, բախտը կժպտար, և որ ինքն այստեղ ընկել է ճակատագրի սխալմունքով: Դրա համար էլ իրեն կորցնում է վիթխարի, անողոք տափաստանի առջև:

► Միայն աստված` անիմանալի և անտեսանելի, կարող է մարդկային գիտակցության մեջ հաշտեցնել ծագման ու վախճանի, կյանքի և մահվան անհաշտելիությունը:

► Մահվան դեմ բոլորը հավասար են:

► Աշխարհի արարման օրից այդպես է ապրում մարդը: Համակերպվում է` առանց համաձայն լինելու: Եվ այս աղոթքները անփոփոխ են հնուց ի վեր և նրանցում ասվում է միևնույն բանը. Զուր մի տրտնջա, մարդ, սփոփվիր:

► Նույնիսկ կանացի տարիքն առած կնոջը, ոչ մի դեպքում չի կարելի անատամ մնալ:

► Դժվար է սեփական անձի մասին դաստողություններ անել:

► Անկախ այն բանից` աստված գոյություն ունի թե ոչ, համենայն դեպս մարդը մեծ մասամբ նրան հիշում է կարիքի դեպքում, որքան էլ դա անվայել բան է: Երևի դրա համար է ասվում. անհավատացյալը աստծուն միտքը չի բերի, միչև որ գլուխը չցավի: Դա այդպես է թե ոչ միևնույնն է, բայց աղոթքներ իմանալը անհրաժեշտություն է:

► Ինչքան ուզում են թող ունեցածդ խլեն ձեռքիցդ, մեկ է չես կորչի, մի կերպ կապրես: Բայց հոգիդ կմնա տրորված, ու ինչ էլ անես, այլևս չի հարթվի…

► Չի կարելի նեղանալ միայն աստծուց. Եթե մահ է ուղարկում, նշանակում է կյանքդ հասել է իր սահմանին, մի օր կյանք է տվել, մի օր էլ պիտի առնի, իսկ մնացյալ բանի համար աշխարհում կա և պետք է լինի պատասխանատվություն:

►  Մեր երկրի ամենամեծ հարստությունը մեր առողջությունն է: Ուրեմն մեր առողջությունը պետական արժեք է: Ահա թե ինչ: Մենք հասարակ մարդ չենք: Մենք պետական մարդ ենք:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: