Grqamol.am » Մեջբերումներ Գրքերից » Դեն Բրաուն «Ինֆեռնո»

Դեն Բրաուն «Ինֆեռնո»

Գրքից բոլոր մեջբերումների դուրսբերումը՝ Համլետ Մուրադյանի

► Դժոխքի ամենախավար տեղանքները նրանց համար են, ովքեր չեզոքության են պահպանել բարոյական ճգնաժամի պահերին:
 
► ժամանակն այն միակ ապրանքն Է, որն անգամ իմ ահռելի հարստությամբ հնարավոր չէ ձեռք բերել:
 
► Հիշողությունները դանդաղորեն վերադառնում են… ասես պղպջակներ, որ բարձրանում են անտակ ջրհորի խավարից:
 
► Երբեք մի՛ խոստացիր անել այն, ինչը չես կարող:
 
► Երբեք մի՛ ստիր հաճախորդին:
 
► Մեր անցյալի որոշումները ճարտարապետներն են մեր ներկայի:
 
► Իրադրության վերահսկումը շեֆի մասնագիտությունն էր՝ կանխատեսել հնարավոր զարգացման բոլոր տարբերակները, հաշվարկել հակաքայլերը և իրադրությունն ուղղորդել դեպի ցանկալի հանգուցալուծումը:
 
► – Ցավից ավելի լավ ոչինչ չի խթանում ադրենալինի արտադրությունը:-Սիենա
 
► Շնորհալի երեխաները հաճախ են մեկուսացման մեջ հայտնվում: Եվ պատճառն այն է, որ ինտելեկտի գերաճի պատճառով նրանց սոցիալական հմտությունները թերի են մնում:
 
► Մահվանը հաջորդում է կյանքը:
 
► Դրախտին հասնելու համար պետք է Դժոխքի միջով անցնես:
 
► Նրա նրբագեղ մատները շարժվում էին թեթև ու նպատակասլաց:
 
► Ճշմարտությունը կարելի է տեսնել մահվան աչքերով միայն:
 
► Այն մարդու համար, որ սովոր է մտաբերել և քննել իրականության յուրաքանչյուր աննշան տարր, կյանքն առանց հիշողության նման է ռադիոլոկացիոն համակարգից զուրկ ինքնաթիռի, որ փորձում է վայրէջք կատարել խավարում
 
► Երբ բոլոր վայրերը հագեցվում են բնակիչներով, և այլևս տեղ չի մնում թե՛ ապրելու և թե՛ գաղթելու համար… առաջանում է աշխարհը մաքրելու խնդիր:-Նիկոլլո Մաքիավելի
 
► Երբ խոր թունելի մեջ ես սուզվում և հասնում ես անդառնալիության կետին, երբ վերադարձի համար շունչդ այլևս չի հերիքի, ուրիշ ոչինչ չի մնում՝ բացի դեպի առաջ, դեպի անհայտությունը լողալուց… և աղոթելուց, որ ելք գտնես:
 
► «Բազմանալու մեր կարողությունը այնչափ է գերազանցում մարդու համար սնունդ ապահովելու երկրագնդի հնարավորությունը, որ այս կամ այլ կերպ դրսևորվելիք վաղաժամ կործանումը դառնում է անխուսափելի: Ազգաբնակչության թվի կրճատմանը նպաստող ակտիվ և հզոր գործոններից են մարդկային արատները, որոնք ահեղ կործանարար ուժերի նախանշաններն են, և հաճախ իրենք էլ ավարտում են մահաբեր գործը: եթե դրանց չի հաջողվում հաղթել բնաջնջման պատերազմում, ապա գործի են անցնում պատերազմներն ու համաճարակները, ժանտամահն ու ժանտախտը՝ տարածվելով և աշխարհի երեսից սրբելով հազարավորներին և տասնյակհազարավորներին: Իսկ եթե սրանց էլ չի հաջողվում գործը գլուխ բերել, երևան է գալիս համատարած անխուսափելի սովը և մեկ հուժկու հարվածով հավասարակշռում աշխարհի բնակչության թիվն ու սննդի պաշարները»: (մեջբերում Թոմաս Ռոբերթ Մալթուսի «Ազգաբնակչության տեսության փորձ» գրքից)
 
► Կարեկցանքը համամարդկային լեզու է:
 
► Ոչինչ ավելի ստեղծարար չէ… ոչ էլ ավելի կործանարար… քան փայլուն ուղեղը՝ մեկ նպատակին սևեռված:
 
► Իրականում զուգադիպություններ ավելի քիչ են պատահում, քան մարդկանց թվում է:
 
► Մարդու կերպարը իննսուն տոկոսով կախված է նրա մարմնի լեզվից:-Սիենա
 
► Մարդն ունի իր ես-ը պաշտպանելու պարզունակ մեխանիզմ, որը ժխտում է իրականության բոլոր այն դրսևորումերը, որոնք ուղեղը չափից ավելի մեծ սթրեսի են ենթարկում: Դա կոչվում է ժխտում: ժխտումը մարդու ադապտացիայի մեխանիզմի կարևորագույն տարրն է, առանց որի մենք բոլորս առավոտյան սարսափահար կարթնանայինք մեր մահվան բազում հնարավոր տարբերակների մասին մտքերից: Դրա փոխարեն մեր միտքն արգելափակում է գոյաբանական վախերը՝ կենտրոնանալով այն սթրեսների վրա, որոնց մենք կարող ենք դիմակայել, օրինակ ժամանակին հասնել աշխատանքի կամ հարկեր մուծել: Եվ եթե մեր գոյաբանական վախերը սկսում են ծավալվել, ապա մենք արագորեն ազատվում ենք դրանցից՝ մեր ուշադրությունը կրկին կենտրոնացնելով պարզ խնդիրների և առօրյա մանրուքների վրա:-Սիենա
 
► Չկա ավելի զարհուրելի գոռոզամտություն, քան աշխարհի վտանգների հանդեպ սեփական անխոցելիությանը հավատալը:
 
► Եթե մարդկային գիտակցությունն ունակ չէ ինչ-որ բան պատկերացնելու…բնավ չի նշանակում, որ դա տեղի չի ունենա:-Սիենա
 
► Հաճախ ուղեղի առանձնահատուկ կառուցվածք ունեցող մարդիկ ունակ են ավելի ուժգին կենտրոնացման, սակայն զուրկ են հուզական օժտվածությունից:-Լենգդոն
 
► – Ձեր կարծիքով ինչ են անում զինվորները, երբ մեկնում են պատերազմ: Նրանք սպանում են անմեղ մարդկանց և վտանգում սեփական կյանքը: Հանուն գաղափարի՝ մարդը դիմում է ամեն քայլի:-Սիենա
 
► Պետք է վերջ տալ կաշվե շապիկով գրքերի հանդեպ ունեցած սնոբիզմին: էլեկտրոնային գրքերն էլ իրենց դրական կողմերն ունեն:
 
► Ներքին հանգստությունը չափազանց կարևոր է համոզիչ լինելու համար:
 
► Ճակատագիրը կամակոր է:
 
► Առաջարկում եմ մոռանալ անցյալը: Թող անցյալն անցյալում մնա: Ապագան է, որ մեր անհապաղ ուշադրության կարիքն ունի:
 
► Երբ մարդուն հուսահատությունն է տիրում… նա կենդանու է վերածվում:
 
► – Ոոբերթ,- շնչակտուր վրա բերեց նա՝ վերջապես հասնելով Լենգդոնին:- Ու՞ր ենք վազում:
-Դեպի Արմենիա,- պատասխանեց նա:
– Ի՞նչ։:
Արմենիա,- կրկնեց Լենգդոնը՝ գլուխն առաջ պարզած:- Վստահեք ինձ:
 
► – Լավագույն պատրանքները հնարավորինս արտացոլում են իրականությունը։-Ռեկտոր
 
► Մարդկային զանգվածները անհատներից են կազմված։
 
► Ցանկացած վիթխարի ձախողում արդյունք է անցյալ որևէ ճակատագրական ակնթարթում բաց թողած սխալի՝ պատահական հանդիպման, սխալ որոշման, անխոհեմ հայացքի։
 
► Մինչև մարդը չդառնա ոչինչ, Աստված չի կարող ոչինչ անել նրա հետ։
 
► Մեծ մտածողները միևնույն կերպ են դատում։
 
► Որոշ դեպքերում ստիպված ես հետ կանգնել և դիտմամբ տանուլ տալ մարտը՝ հուսալով, որ կհաղթես պատերազմում։
 
► – Ես գիտեմ, թե ինչ է բացարձակ մենությունը․․․ իսկ ամենասոսկալի մենությունն ապրում է այն մարդը, ում երբեք չեն հասկացել։ Հենց այդ պատճառով նա կարող է կորցնել իրականության զգացումը։-Սիենա
 
► Քանի դեռ մարդիկ արտաբերում են քո անունը, դու չես մեռնում։
 
► Դանտեի պոեմը ոչ այնքան դժոխքի սարսափների մասին է, որքան մարդկային ոգու զորության, որի շնորհիվ էլ նա դիմակայում է ցանկացած, անգամ ամենածանր փորձություններին։
 
► Վտանգավոր ժամանակներում չկա ավելի մեծ մեղք, քան անգործությունը։

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: