Grqamol.am » Մեջբերումներ Գրքերից » Դերենիկ Դեմիրճյան «Գրադարան»

Դերենիկ Դեմիրճյան «Գրադարան»

Մի ամբողջ մարդկության աչքեր նայում են այս պահարաններից:
Բազմահազար այս գրքերում մտածում եվ լռում է պայքարող, հիացող եվ թախծող մի մարդկություն:
Ահա սեղանների շուրջը բազմաթիվ գլուխներ, նույնպես խորհող եվ ստեղծագործող՝կքվել են այդ գրքերից շատերի վրա: Մարդկային հոգու անհուն աշխարհը:
Ի՞նչ են որոնում նրանք այդ գրքերում : Կյա՞նք եվ հավերժությու՞ն:-Ապրե՞լ, մնալ անվե՞րջ, հասնել ապագայի՞ն, գնալ նրա հետ դեպի անմահությու՞ն…
Բայց սա ի՞նչ է թրթռում օդի մեջ:
Պլպացող փոքրիկ աղոտ լույսի պես անցնում է նա այդ գլուխների վրայով, կտրում գրադարանի տարածությունը:
Օ՜, ցեցն է դա:
Ցեցը՝ գրադարանների տխուր բնակիչը: Սպառնալիքը ամեն տեսակ գրքերի: Այնքան փոքրիկ է նա, բայց ինչքան մեծ սառնություն է փչում նրա թևիկներից: Չար մահվան շունչ կա այդ սառնության մեջ: Ես կարծեմ տեսնում եմ նրա փոքրիկ միկրոսոպիկ դեմքը, որ անհուն թախիծով եվ իրոնիայով նայում է չորս կողմ…Նայում բոլոր ստեղծագործողներին, մտածողներին, հավերժության համար գրողներին:
Կարծեմ ժպտում է նա օձային ժպտով, թե՞ մռայլվում է իբրև մահվան դիմակ:
Եվ ճախրում է նա այդպես մարդկային մտքի եվ ստեղծագործության վրայով: Իմաստության վրայով:
Զգու՜յշ նրանից: Դա մտքի, հոգու ցեցն է:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: