Grqamol.am » Մեջբերումներ Գրքերից » Էրիկա Լեոնարդ Ջեյմս «Մոխրագույնի 50 երանգները»

Էրիկա Լեոնարդ Ջեյմս «Մոխրագույնի 50 երանգները»

Գրքից բոլոր մեջբերումների դուրսբերումը՝ Համլետ Մուրադյանի

► Երբ մեր մատները դիպչում են միմյանց, մարմնովս տարօրինակ, արբեցնող դող է անցնում:

► – Բիզնեսը մարդիկ են, և ես շատ լավ գլուխ եմ հանում մարդկանցից: Գիտեմ՝ ինչն է նրանց հետաքրքրում, ինչի համար են ուրախանում, ինչն է նրանց ոգեշնչում, և ինչպես կարելի է նրանց ստիպել աշխատել: Ես աշխատանքի եմ վերցնում բացառիկ մասնագետների և բարձր վարձատրում եմ: Վստահ եմ, որ որևէ գործում հաջողության հասնելու համար պետք է այդ գործին շատ լավ տիրապետել, ուսումնասիրել մանրակրկիտ, ներսից: Ես շատ եմ աշխատում դրա համար: Որոշումները, որոնք կայացնում եմ, հիմնված են փաստերի և տրամաբանության վրա: Ես բնական տաղանդ ունեմ նկատելու արժեքավոր մտքերն ու լավ աշխատակիցներին: Արդյունքը միշտ կախված է մարդկանցից:-Քրիստիան Գրեյ

► – Ես երբեք հույս չեմ դնում դիպվածի կամ բախտի վրա: Որքան շատ եմ աշխատում, այնքան շատ է բախտս բերում: Կարևորը հավաքել ճիշտ մարդկանց և ուղղորդել նրանց էներգիան ճիշտ ուղղությամբ: Եթե չեմ սխալվում Հարվի Ֆայրսթոունն էր ասում, որ «առաջնորդի աոջև կանգնած գլխավոր խնդիրը մարդկանց աճն ու զարգացումն է»:-Քրիստիան Գրեյ

► Անսահման իշխանություն ստանում է միայն նա, ով հոգու խորքում համոզված է, որ ծնվել է մյուսներին իշխելու համար:-Քրիստիան Գրեյ

► Նա, ով ունակ է ամբողջությամբ տիրապետելու սեփական բանականությանը, կտիրապետի այն ամենին, ինչ իրենն է իրավունքով:-Քարնեգի

► Մեր մատները մի ակնթարթ հպվում են, ու ես նորից զգում եմ էլեկտրական հոսանք, կարծես բաց լարին դիպչեմ: Զգում եմ, ինչպես է այդ էլեկտրական ազդանշանն անցնում մարմնովս ու կորչում ինչ-որ տեղ՝ որովայնիս խորքերում:

► Հիմարություն է ողբալ այն բաների համար, որոնք գոյություն չեն ունեցել՝ չիրականացած հույսերի, կոտրված երազանքների, անիմաստ սպասումների համար:

► Ինչու՞ չասացիր, որ պետք է զգուշանամ տղամարդկանցից: Ինչու՞ չզգուշացրեցիր ինձ: Հարուստ տիկնայք գիտեն՝ ինչից է պետք զգուշանալ, քանի որ կարդում են վեպեր, որոնցում խոսվում է այդպիսի դեպքերի մասին: (մեջբերումը «Թեսսը Դ’Ուրբերվիլների տոհմից» գրքից)

► – Պետք է իմանաս սեփական հնարավորություններդ:-Քրիստիան Գրեյ

► – Երբեք մի վստահիր լավ պարող տղամարդկանց:Քարլա Ուիլքս

► – Ոչ մի բան չի կարելի ստորագրել առանց կարդալու:-Քրիստիան Գրեյ

► – Ես ուզում եմ, որ վաղը քո ամեն մի շարժումը հիշեցնի քեզ, որ դու այսօր ինձ հետ էիր:-Քրիստիան Գրեյ

► – Համալսարանական կրթությամբ մարդիկ ամեն տեղ պետք են:-Քեթրին Քավանա

►  Հաճույքի և ցավի միջև սահմանը շատ նուրբ է: Դրանք մետաղադրամի երկու կողմերն են, գոյություն չունեն առանց մեկը մյուսի:

► Նա կռանում է, որպեսզի համբուրի, բայց չդիպչելով կանգ է առնում, ագահ հայացքով փնտրում է աչքերս, կարծես թույլտվություն է հայցում: Ձգվում եմ դեպի իր շուրթերը, նա համբուրում է ինձ: Ես չգիտեմ՝ երբևէ կհամբուրե՞մ նրան նորից, և այդ պատճառով այլևս չեմ մտածում, ձեռքերս իրենք են ձգվում դեպի նրա մազերը՝ քաշելով նրան ավելի մոտիկ: Ես բացում եմ բերանս, լեզվովս շոյում նրա լեզուն: Զգում եմ Քրիստիանի ափը պարանոցիս ետևում, նա խորացնում է համբույրը՝ պատասխանելով պոռթկմանս: Քրիստիանի մյուս ձեռքը սահում է մեջքիս վրայով և, հասնելով հետույքիս, կանգ է առնում, երբ նա ամբողջ մարմնով հպվում է ինձ:

► Նա ուզում է ինձ, բայց ինձ ավելին է պետք: Ուզում եմ, որ կարիքս ունենա նույնքան ուժեղ, որքան ես նրանն ունեմ:

► Թեյը փորձված միջոց է կյանքի ցանկացած պահի համար:

► – Մի դատիր քեզ՝ հիմնվելով այն բանի վրա, թե ինչ կմտածեն քո մասին մյուսները: Մի վատնիր քո էներգիան:-Քրիստիան Գրեյ

► – Դա այնքան վատ չէ, որքան կարող է թվալ: Երևակայությունն է քո ամենամեծ թշնամին:-Քրիստիան Գրեյ

► – Ճշմարտությունը գինու մեջ է:-Քրիստիան Գրեյ

► – Մեր հարաբերությունները կդասավորվեն այն դեպքում միայն, եթե երկուսս էլ անկեղծ լինենք:-Քրիստիան Գրեյ

► – Տղամարդկանց հետ շատ դժվար է: Նրանք այլ կենսաբանական տեսակի են պատկանում:Քարլա Ուիլքս

► Ուժերդ մի վատնիր մեղքի զգացման վրա: Մենք մեծ մարդիկ ենք, և այն ամենը, ինչ անում ենք փակ դռների ետևում, մեր անձնական գործն է: Դու պետք է ազատես գիտակցությունդ և լսես մարմնիդ:-Քրիստիան Գրեյ

► Մի պահ մտածում եմ՝ ինչպե՞ս մեծանալ, երբ երկու ծնողդ էլ կողքիդ են:

► – Տղամարդը պետք է հուսա, պետք է երազի, և մի օր իր երազանքն իրականություն կդառնա:-Քրիստիան Գրեյ

► Հարցազրույցների ժամանակ բոլորը ձև են թափում՝ փորձելով թաքցնել իրական էությունը ասնագիտական ֆասադի ետևում:

► Անխոս շփումը ոչնչով չի զիջում երկար զրույցներին:

► – Տղամարդիկ այդքան էլ բարդ արարածներ չեն: Նրանք պարզ են և կանխատեսելի: Սովորաբար ասում են այն, ինչ մտածում են, իսկ մենք ժամեր ենք վատնում, որպեսզի խորանանք նրանց խոսքերի գաղտնի իմաստների մեջ: Նրանց մեծ մասը հեշտությամբ ափերից դուրս է գալիս:Քարլա Ուիլքս

► – Բարդությունները հաղթահարելու միակ միջոցը միասին քննարկելն է: Մտքումդ կարող ես մտածել ինչ ուզես, բայց մինչև որ դու չարտահայտես նրան քո բոլոր կասկածենրը, այդպես էլ տեղում եք դոփելու:Քարլա Ուիլքս

►- Դժվար է մեծանալ կատարյալ ընտանիքում, եթե դու կատարյալ չես:-Քրիստիան Գրեյ

► – Երբեմն պետք է բազմաթիվ գորտերի համբուրես, մինչև վերջապես կհանդիպես արքայազնին:Քարլա Ուիլքս

► Անշահախնդիր սերը պարգև է, որ ստանում են ծնողներից բոլոր երեխաները:

► – Հիշիր, քո վախերի մեծ մասը քո գլխում են:-Քրիստիան Գրեյ

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: