Grqamol.am » Մեջբերումներ Գրքերից » Էթել Լիլիան Վոյնիչ «Բոռ»

Էթել Լիլիան Վոյնիչ «Բոռ»

Բեռնել գիրքը

► -Ես ոչ ոքի հետ չեմ ուզում վիճել, բնավ:
– Իսկ ես ուզում եմ. առանց կռվի կյանքը անտանելի կլինի: Դա նույնիսկ ավելի լավ է, քան կրկեսային ներկայացումը:

► – Մենք իրավունք չունենք մեր ողջ ուշք ու միտքը մեռելներին տալու: Հիշու՞մ եք՝ ինչ է ասում Ձեր սիրելի Շելլին. «Ինչ որ եղել է՝ մահինն է, իսկ ապագան՝ իմն է դեռ»: Օգտվեցե՛ք նրանից, քանի դեռ Ձերն է, և մտածեք ոչ թե այն մասին, ինչ որ ապրել եք մի ժամանակ, այլ այն լավի մասին, ինչ դեռ կարող եք անել:

► Եթե չես ուզում լսել սուտը, հարցեր մի տուր:

► – Իմ կարծիքով մեր բոլոր դժբախտությունների ու սխալների գլխավոր պատճառը հոգու հիվանդությունն է, որ կոչվում է կրոն:
– Դուք խոսում եք որևէ առանձին կրոնի մասի՞ն:
– Օ՜, ոչ: Դրանք մեկը մյուսից տարբերվում են միայն արտաքին ախտանիշներով: Իսկ ինքը՝ հիվանդությունը, մտքի կրոնական հակումն է, մարդու պահանջն է՝ իր համար կուռք ստեղծել և աստվածացնել նրան, պաշտել որևէ մեկին ու երկրպագել նրան: Ով էլ ուզում է լինի նա՝ Քրիստոսը, Բուդդան թե վայրի տոտեմ, միևնույն է, ոչ մի նշանակություն չունի:

► – Պադրե, ես տարել եմ ամեն ինչ և համբերել, որովհետև ձգտել եմ վերադառնալ դեպի կյանք ու պայքարի մեջ մտնել Ձեր աստծո հետ: Այդ նպատակը վահան է եղել ինձ համար, դրանով պաշտպանել եմ իմ սիրտը, երբ խելագարությունն ու մահն էին սպառնում ինձ: Եվ ահա այժմ, վերադառնալով, կրկին իմ փոխարեն տեսնում եմ կեղծ տառապյալին, նրան, ով խաչվել է ընդամենը վեց ժամով միայն, իսկ հետո հարություն առել մեռելներից: Պա՛դրե, ինձ խաչ են հանել հինգ տարի շարունակ, և ես էլ եմ հարություն առել: Հիմա ի՞նչ եք անելու ինձ…

► Կործանվելու ամենահավաստի միջոցն այն է, երբ ինքդ նախապես համոզված ես, որ կկործանվես:

► – Դուք պետք է ընտրեք մեզնից մեկին: Եթե սիրում եք ինձ, հանե՛ք Ձեր վզից այդ խաչը և եկե՛ք ինձ հետ: Իսկ եթե չեք սիրում ինձ, եթե այդ փայտե կուռքը Ձեզ համար ավելի թանկ է, քան ես, ապա գնացե՛ք գնդապետի մոտ և ասացեք նրան, որ համաձայն եք գնդահակարությանը:

► Կյանքը անտանելի կդառնար առանց կռվի: Կռիվն է երկրի աղը: Դա նույնիսկ կրկեսի ներկայացումներից էլ լավն է:

► Կյանքը ամեն տեղ նու՛յն հրեշությունն է, նու՛յն նեխն ու ցեխը, նու՛յն խայտառակ գաղտնիքներն ու մութ անկյունները։ Բայց կյանքը կյանք է միշտ, ու մարդ պետք է հարմարվի։

► Ինձ համար սուրբ է մարդու մարմինը: Ես տանել չեմ կարող, երբ ծաղրուծանակի են ենթարկում և դիտմաբ այլանդակում են այն:

► Օգտակար վեճը երկրի աղն է:

► Հոգին ախր համր է, նա ձայն չունի, չի կարող գոռալ: Նա պետք է դիմանա, դիմանա և դիմանա…

► Ճանապարհին ընկած քարը գուցեև ամենալավ մտադրությունն ունի, բայց, միևնույն է, պետք է հեռացնել ճամփից:

► Հնազանդ ձին էլ քացի կտա, եթե շարունակ սանձը ձգես:

► Բայց կյանքը, կյանք է, և պետք էնրանից վերցնել այն ամենը, ինչ որ կարելի է:

► Ամենից մահացու զենքը, որ ես ճանաչում եմ, ծաղրն է։

► Իմ կարծիքով փոքրոգություն և անազնվություն է խելապակաս մարդու վրա ծիծաղել: Դա նույն է, թե ծիծաղես հաշմանդամի վրա:

► Բոլորի վրա շարունակ ծիծաղող մարդու մեջ ինչ-որ անմաքուր բան կա:

► Հարցեր մի տա, որ սուտ չասեն:

► Նույնիսկ երկու րոպեով էլ չեմ լրջանա, բարեկամս: Ոչ կյանքը , ոչ էլ մահը չարժեն դրան:

► Ինչ գունատ եք, դա նրանից է, որ դուք տեսնում եք միայն կյանքի տխուր երեսը և շոկոլադ չեք սիրում:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: