Grqamol.am » Մեջբերումներ Գրքերից » Ջերոմ Դեյվիդ Սելինջեր «Տարեկանի արտում` անդունդի եզրին»

Ջերոմ Դեյվիդ Սելինջեր «Տարեկանի արտում` անդունդի եզրին»

► Ես ու ծովայինն ասացինք, որ շատ ուրախ ենք ծանոթության համար: Ծիծաղելի է: Միշտ ես ասում եմ՝ «Շատ հաճելի է ձեզ հետ ծանոթանալ», երբ բոլորովին էլ հաճելի չէ: Բայց եթե ուզում ես ապրել մարդկանց հետ, ստիպված ես ամեն բան էլ ասել:

► Երկուսն էլ յոթանասունին մոտ էին, գուցեև ավելի: Ու այնուամենայնիվ, կյանքից հաճույք էին ստանում, թեև նրանց մի ոտքը գերեզմանում էր:

► – Ես շատ ափսոսացի, որ խաբել եմ նրան: Մարդիկ կան, որոնց չի կարելի խաբել. թեև հենց դրան են արժանի:

► Վկա է Աստված, եթե ես դաշնամուր նվագեի կամ բեմում խաղաի ու դուր գայի այդ հաստագլուխներին, ես դա անձնական վիրավորանք կհամարեի: Ինչիս են պետք դրանց ծափահարությունները: Նրանք երբեք տեղին չեն ծափահարում: Եթե ես դաշնակահար լինեի, կփակվեի խորդկանոցում ու այնտեղ կնվագեի:

► Չի կարելի դադարել մարդուն սիրել միայն այն պատճառով, որ նա մեռել է, գրողը տանի, մանավանդ, որ նա լավն էր բոլոր կենդանի արարածներից…

► Կնոջ մարմինը ջութակ է,պետք է հրաշալի երաժիշտ լինել, որպեսզի ստիպես նրան լավ հնչել:

► Ընդհանրապես չի կարելի վախկոտ լինել: Եթե անհրաժեշտ է ինչ որ մեկի մռութին հասցնել ու դու ուզում ես այդ բանը, պետք է հասցնես:Բայց ես չեմ կարող: Ինձ համար ավելի հեշտ է մարդուն դուրս նետել պատուհանից, քան հասցնել դեմքին:

► Նա շատ-շատ բան գիտեր թատրոնի, պիեսների և ամեն տեսակ գրականության մասին: Եթե մարդը հարուստ է նման գիտելիքներով, ապա միանգամից դժվար է գլուխ հանել՝ հիմար է նա,թե ոչ:

► Ոչինչ չի փոխվում: Փոխվում ես միայն ինքդ: Եվ ոչ թե այնպես, որ միանգամից մեծանում ես: Չե, դա չէ: Դու փոխվում ես, և ուրիշ ոչինչ:

► Եթե աղջիկը գալիս է հանդիպման գեղեցկացած, ո՞վ իրեն վատ կզգա, որ նա ուշացել է: Ոչ ոք:

► Ամբողջ դժբախտությունն էլ հենց այդ է: Անհնար է գտնել մի խաղաղ, հանգիստ անկյուն: Չէ, այս աշխարհում այդպիսի տեղ չկա: Երբեմն մտածում ես, իսկ գուցեև կա, բայց մինչև հասնես այնտեղ, որևէ մեկը թաքուն առաջ կանցնի քեզնից ու մի որևէ անվայել բան կգրի ուղղակի քթիդ տակ:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: