Grqamol.am » Մեջբերումներ Գրքերից » Պաուլու Կոելյու «Աքրայում գտնված ձեռագիրը»

Պաուլու Կոելյու «Աքրայում գտնված ձեռագիրը»

► Առանց մենության ոչ մի բույս կամ կենդանի չի գոյատևի, ոչ մի հող բերք չի տա, ոչ մի երեխա չի ճանաչի կյանքը, ոչ մի արվեստագետ չի ստեղծագործի, ոչ մի աշխատանք չի աճի ու չի վերափոխվի:

► Կյանքի ամենակարևոր պահերին միշտ էլ մենակ ենք լինելու…Ինչպես արվեստագետն իր ստեղծագործության առաջ. որպեսզի աշխատանքն իսկապես լավը լինի, նա պիտի լռի ու լսի միայն հրեշտակների ձայնը:

► Առանց մանրուքների մեծ փոփոխություններ չեն լինում:

► Արտաքին գեղեցկությունը ներքին գեղեցկության տեսանելի կողմն է: Եվ դուրս է հորդում այն լույսի հետ, որ ճառագում է աչքերից:

► Սիրում ենք, որովհետև պետք է սիրենք: Առանց դրա կյանքն անիմաստ է դառնում, իսկ արևը դադարում է շողալ:

► Նրբագեղությունն ի հայտ է գալիս, երբ դեն ենք նետում ամեն ավելորդ բան ու բացահայտում պարզությունը, որքան պարզ ու անպաճույճ` այնքան գեղեցիկ:

► Ամեն բացվող օր իր հետ նոր հրաշք է բերում` ստիպելով մեզ շարունակ շնչել, երազել ու արևի տակ քայլել…

► Կարևոր չէ` ինչպես ես քեզ զգում, ամեն առավոտ արթնացիր ու պատրաստվիր լույս ճառագելու: Ովքեր կույր չեն, կտեսնեն այդ լույսի փայլն ու կսքանչանան:

► Պարտվում է նա, ով հրաժարվում է շարունակել։ Մնացած բոլորը հաղթում են։  Կան մարդիկ, ովքեր երբեք չեն պարտվել։Դրանք այն մարդիկ են, ովքեր երբեք չեն պայքարել։

► Վա՜յ նրանց, ովքեր գերադասում են ապրել՝ ասելով. «Ինձ հնարավորություն չընձեռնվեց»։

► Նրանք, ովքեր ընկճված են մենությունից, պետք է հիշեն. Կյանքի ամենակարևոր պահերին միշտ էլ մենակ ենք լինելու։

► Առանց մանրուքների մեծ փոփոխություններ չեն լինում։

► Սերն ընդամենը բառ է մինչև այն պահը, երբ որոշում ենք թույլ տալ, որ իր ողջ ուժով տիրի մեզ։ Սերն ընդամենը բառ է մինչև այն պահը, երբ ինչ-որ մեկը գալիս է այն իմաստավորելու:

► Մի հանձնվեք. սովորաբար փակ դուռը բանալիներից ամենավերջինն է բաց անում։

► Հաջողությունն այն է, երբ ամեն գիշեր խաղաղ սրտով կարող ես գլուխդ դնել բարձին։

► Անապատի ամեն մի ավազահատիկի մեջ թող տեսնենք տարբերություն կոչվող հրաշքը, և դա կքաջալերի՝ ընդունելու մեզ այնպես, ինչպես կանք։ Քանզի ճիշտ այնպես, ինչպես ողջ աշխարհում երկու միանման ավազահատիկ չկա, այնպես էլ երկու միանման մտածող ու գործող մարդկային արարած չկա։

► Ինչ գործ էլ բռնենք, անպայման հակառակորդների կհանդիպենք, սակայն ամենավտանգավորը կլինեն նրանք, ում ընկեր ենք համարում։

► Զգուշացի՛ր այն ցավից, որ կարող ես պատճառել ինքդ քեզ, եթե թույլ տաս վախկոտ ու ստոր մեկին քո աշխարհ մուտք գործել։ Երբ չարիքն ի կատար ածվի, որևէ մեկին մեղադրելն անօգուտ կլինի, քանզի դուռը տանտերն ինքն է բաց արել։

► Որքան թույլ է զրպարտիչն, այնքան վտանգավոր են նրա քայլերը։

► Թշնամին նա չէ, ով սուսերը ձեռքին կանգնած է քո առջև, այլ նա, ով կողքիդ է՝ դաշույնը ետևում թաքցրած։

► Հեռու մնա՛ նրանից, ով փորձում է շարունակ հաճոյանալ քեզ։

► Արդ, թշնամին այն հակառակորդը չէ, որ կանգնել է ճանապարհիդ՝ խիզախությունդ փորձելու համար, այլ այն վախկոտը, որ առջևդ է թուլությունդ փորձելու համար։

► Սիրում ու հարգում են նրան, ով սիրում ու հարգում է իրեն։ Երբեք մի՛ փորձիր հաճոյանալ բոլորին, հակառակ դեպքում ոչ ոք քեզ չի հարգի։

► Եղի՛ր նրանց կողքին, ովքեր ասում են. « Ճիշտ է՝ ամեն ինչ լավ է, բայց պետք է առաջ գնալ»։ Քանզի գիտեն, որ միշտ էլ հարկավոր է ծանոթ հորիզոնից այն կողմ անցնել։

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: