Grqamol.am » Մեջբերումներ Գրքերից » Վարդգես Պետրոսյան «Քաղաքի Կիսաբաց Լուսամուտները»

Վարդգես Պետրոսյան «Քաղաքի Կիսաբաց Լուսամուտները»

► Գրականությունը սուրբ մի տաճար է և ամենքին չէ վիճակված ոտք դնել այդ պատերից ներս:

► Շենքերն էլ են տխրում, ինչպես մարդիկ, պատերն էլ հիշողություն ունեն։ Եվ եթե նրանք իրենց իմացածի մասին չեն պատմում ամենքի, ինչպես մարդիկ, դա պարզապես բնավորություն է։ Եվ քանի որ մարդը չի կարող ապրել թաքուն, ինքն իր մեջ փակված, քանի որ նա միշտ կարիք ունի ուրիշներին պատմելու իր կյանքը, դրա համար էլ կռվել է պատերի հետ և լուսամուտներ բացել:

► Մարդ պետք է ուրիշների համար իրեն ծախսի, ինչպես որ արևն է ծախսում, չսպասելով հատուցման:

► Կյանքը բնորոշելու համար այնքան շատ ածականներ են գործածվել՝ զարմանալի, գեղեցիկ, ձանձրալի, հերոսական, տխուր, երջանիկ, անիմաստ, հրաշալի և հազար ու մի ուրիշ բան։ Գործածել են գրքերում, բաժակաճառերի ժամանակ, նամակների ու օրագրերի մեջ, ամեն մեկին թվացել է, որ իր ածականը սպառել է կյանքի իմաստը:

► Ո՞վ է հնարել այս ինչու բառը․երևի հաշվապահները կամ փաստաբանները։ Նրանց թվում է, որ աշխարհում ամեն բան իր որոշակի պատճառն ունի և անպայման կան պատրաստ պատասխաններ՝ յուրաքանչյուր ինչու-ի համար:

► Կյանքը հազիվ երկու կիլոմետր է, ժամանակ չկա չշտապելու:

► Գագիկը նայեց աղջկան. այդպես աներկմիտ կարող էր խոսել միայն աշխարհի ամենալավ կամ ամենավատ աղջիկը: Ուրեմն Սոնան աշխարհի ամենալավ աղջիկն է:

► Ուզում եմ բոլոր մարդկանց ճանաչել: Ես շատ եմ սիրում մարդկանց, դա էլ իմ հիվանդությունն է:

► Կյանքը բնորոշելու համար այնքան ածականներ են օգտագործվել՝ զարմանալի, գեղեցիկ, ձանձրալի, հերոսական, տխուր, երջանիկ, անիմաստ, հրաշալի և հազար ու մի բան: Գործածել են գրքերում, բաժակաճառերի ժամանակ, նամակների և օրագրերի մեջ, ամեն մեկին թվացել է, որ իր ածականը սպառել է կյանքի իմաստը:

► Ահռելի ուժ է մոր հավատը:

► Ամեն վիշտ կարելի է մեղմել, բացի մայրականից:

► Նայեց շուրջը, երևի բնազդով ուզեց հիշողության մեջ դաջել ադ տխուր րոպեի բոլոր երանգները: Ինչի համար է ադ ամենը, ինչու է մարդ ուզում հիշել նման րոպեները:

► Աշխարհի ամենաբարդ կառուցվածքը մարդկային սիրտն ունի և հաճախ ամենադժվարը հենց մարդուն տանջող հարցերի պատասխանը գտնելն է:

► Ամենակարևոր բաները մեզ ոչ ոք չի ասում:

► Հին քաղաքները նման են պատմության դասագրքի: Նրանց բնակիչները մի տեսակ հյուր են թվում իրենց տներում, փողոցներում, որ կառուցվել են հարյուր, երբեմն հազար տարի առաջ: Հին քաղաքներում ամենահետաքրքիրը քարերն են, իսկ մարդիկ հարկավոր են այնքանով, որ գիտեն այդ քարերի կենսագրությունը:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: