Grqamol.am » Մեջբերումներ Գրքերից » Յոհան Սլավիչ «Մառա»

Յոհան Սլավիչ «Մառա»

► Ինչքան շատ բան կարող է հասկանալ խելոք կինը, երբ արդեն սկսում է հասկանալ:

► Դժվար բան է ամուսնացնելու աղջիկ ունենալը. աղջիկներն ուզում են, որ իրենց մարդամեջ տանեն, որ իրենք տեսադշտում լինեն, որպեսզի խոսեն իրենց մասին, որպեսզի կարողանան գտնել իրենց բախտը:

► Ոչ ոք չգիտե որտեղ է իր բախտը:

► Ջահել սիրտը նրա համար է ստեղծված, որ բաց լինի:

► Բախտը չի սողում, այլ թռչում է արագ: Նա քեզ իր մեջ է առնում, երբ հասնում է ժամանակը, առանց վաղօրոք նախազգուշացնելու: Իզուր մի որոնիր քո բաժինը, չես գտնի: Իզուր մի փախիր նրանից, եթե նա հետապնդում է քեզ. քո բախտը միայն քեզ է պատկանում, և եթե դու նրան չգիտես, ապա նա քեզ գիտե և չի բաժանվի քեզնից երբեք: Միայն թե տես բաց չթողնես:

► Աշխարհն այս ստեղծված է ոչ թե սրտի զվարճությունների համար, այլ պարտքի կատարման համար:

► Ամեն մարդ իր բաժինն ունի, ոչ բարուց, ոչ չարից չես փախչի. ինչ որ ճակատիդ գրված է էն էլ կլինի: Աստծու կամքը ոչ ոք չի կարող փոխել:

► Գիշերն ավելի լավ կարելի է ճանաչել մարդուն, քան ցերեկը, որովհետև այդ ժամանակ դրսևորվում է նրա իսկական բնավորությունը. և’ բարությունը, և՛ չարությունը:

► Միայն մի կյանք ունի մարդ և անասելի ցավն է պատում քեզ, երբ հասկանում ես որ այն անցնում է, իսկ դու միայն տանջում ես քեզ:

► Ջահելությունը խենթ է ու թույլ: Աչք պետք է որ միշտ հետևի նրան, ջահելությունը պետք է պահպանել փորձանքներից:

► Մարդը տեսնում է աչքերով, լսում է ականջներով, բայց մտածելուց ու խորհրդածելուց հետո, վերջիվերջո, կհասկանա, թե ով ես դու իրականում, որքան էլ աշխատես երևալ ոչ այն, ինչ ես…

► Այս աշխարհում ամեն ինչ ունի իր «որովհետև»-ը, բայց սերը….սերն ուրիշ աշխարհից է, այն հայտնվում է ինչպես կայծակը պարզ երկնքից` չգիտես ինչու, տիրանում է` չգիտես ինչու և անհետանում է` չգիտես ինչու:

► Ծանր աշխատանքով ձեռք բերված հարստությունը գնահատել կարող է միայն նա, ավ ճաշակել է կյանքի դառնությունները:

► Իզուր է ջանք թափել` մարդուն ինչ-որ բանից հետ պահելու համար, եթե մարդ ինքը դա չի կամենում:

► Մարդու մասին չես կարող դատել, մինչև նրա աչքերի մեջ չնայես:

► Ամուսիններին կարելի է բաժանել ուժով, բայց աստծու առջև նրանք միշտ մի մարմին ու մի հոգի են:

► Բարեկամներ ունի նա, ով ինքը կարող է բարեկամություն անել:

► Ընտանեկան կյանքում չկա ավելի վատ բան, քան այն, որ ամուսիններից մեկը գնում է տնից առանց զգուշացնելու:

► Ողորմելի է նա, ով գործում է պահի ազդեցության տակ կամ ուրիշ մարդկանց դրդումով, նա, որի արարքները, վերջիվերջո, չարիք են ծնում:

► Բարձրագույն օրենքը մեր սրտի հրամանն է: Խելագար է նա ով խեղդում է այդ թելադրանքները և բռնակալ է նա, ով թաքցնում է դրանք և տանջվում ներքուստ:

► Այս աշխարհում չկա ավելի տխուր բան, քան այրի կնոջ կյանքը, որը միայնակ է տանում կյանքի դժվարությունները և միայնակ էլ լալիս է, երբ որևէ ուրախություն է բաժին ընկել նրան:

► Առանց Աստծու կամքի մի մազ անգամ չի ընկնում մարդու գլխից, էլ ինչպե՞ս կարող է մարդ ծնվել առանց նրա կամքի…

► Այս աշխարհում ոչ մի բան չի վրիպի կնոջ փորձախույզ հայացքից, եթե նա մայր է և աղջիկ ունի:

Օրենքները մարդիկ են գրում ու կատարում, ինչպես որ իրենք հարկ են համարում:

► Որքան փոքր է մարդը` այնքան մեծ է նրա վճռականությունը:

► Այս արևի տակ աշխարհում ոչ լավից, ոչ էլ վատից խուսափել չի լինի:

 

► Չկա ավելի ցավալի բան, քան սեփական ծնողների մասին վատ կարծիք ունենալը:

► Գեղեցկությունը գալիս ու գնում է, և այն անցնում է ափսոսանքի հառաչանքով:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: