Grqamol.am » Միջոցառումներ » «Հանդիպում Գրքամոլների հետ»

«Հանդիպում Գրքամոլների հետ»

Այսօր` դեկտեմբերի 6-ին «Բուկինիստ» գրախանութում տեղի ունեցավ «Հանդիպում Գրքամոլների հետ» միջոցառումը: Հանդիպմանը ներկա էին գրախանութի ընթերցասեր հաճախորդները, Գրքամոլ նախաձեռնության ներկայացուցիչները և մեր Գրքամոլ հյուրերը:
Միջոցառումից րոպեներ առաջ Կենտրոն համայնքը որոշեց հաճելի անակնկալ մատուցել մեզ, ինչի արդյունքում հոսանքազրկվեց գրեթե ողջ Կենտրոն համայնքը, այդ թվում՝ Բուկինիստ գրախանութը: Եվ սա մեզ հնարավորություն տվեց տարբերվելու և հանդիպման սկիզբը սկսվեց շատ բացառիկ կերպով՝ մոմերի լույսի ներքո, ինչն ինքնին շատ գեղեցիկ էր ու հետաքրքիր:
Հանդիպման սկզբում Գրքամոլ Նախաձեռնության ներկայացուցիչները մասնակիցներին ծանոթացրին «Գրքամոլ» էջի ստեղծման պատմությանը, իրենց նպատակները, զրուցեցին որոշ ծրագրերի մասին՝ որոնք մոտ ապագայում ցանկանում են իրագործել և այնուհետև ակտիվ շփում սկսվեց ներկաների հետ՝ ակտիվ հարց-պատասխանով: Ներկաները կիսվեցին իրենց սիրելի գրքերի մասին տպավորություններով և խորհուրդներ տվեցին միմյանց, թե ինչ գրքեր հատկապես կարելի է ընթերցել:
Այնուհետև հանդիպման ընթացքում տեղի ունեցավ վիկտորինա, որտեղ մրցում էին ներկաներից ձևավորված «Раскольников» և «Փոքրիկ Իշխան» թիմերը: Պատասխանելով մեր կողմից տրվող հարցերին` ստացան անակնկալ նվերներ` կուտակային քարտեր «Բուկինիստ» գրախանութի և գիրք՝ «Գրքամոլ» նախաձեռնության կողմից:

Շնորհակալություն ենք հայտնում բոլոր մասնակիցներին ներկայության և հետաքրքիր օրվա համար:

Հ.Գ. Սա Գրքամոլ Նախաձեռնության կողմից կազմակերպվող առաջին միջոցառումն էր: Հետագայում կլինեն նման միջոցառումներ ևս` նախատեսված ավելի լայնածավալ լսարանի համար:

 

Նկարները դիտելու համար այցելեք հետևյալ հղումով՝ «Հանդիպում Գրքամոլների հետ-նկարներ»



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: