Grqamol.am » Ամփոփումներ » Օրվա ամփոփում ►30.12.13◄

Օրվա ամփոփում ►30.12.13◄

Հինգերորդ տասնամյակում ես սկսեցի հասկանալ, թե ինչ է ծերությունը, երբ նկատեցի հիշողությանս մթագնման առաջին դեպքերը: Ես տնով մեկ որոնում էի ակնոցս՝ մինչ այն հայտնաբերում էի քթիս վրա կամ ցնցուղի տակ էի մտնում ակնոցով, կամ, պատահում էր, դնում էի կարդալու ակնոցս՝ հեռատեսության ակնոցս չհանած: Եղավ դեպք, որ նախաճաշեցի երկրորդ անգամ՝ մոռանալով, որ արդեն արել եմ այդ բանը, և նկատեցի նաև, թե ինչպես անհանգստացան ընկերներս, երբ նրանց պատմեցի նույն պատմությունը, որը նրանք ինձնից լսել էին մի շաբաթ առաջ: Այն ժամանակ իմ միտքը դեռ պահում էր ծանոթ դեմքերի ցուցակը և մեկ ուրիշը՝ նրանցից յուրաքանչյուրի անունները, բայց այն պահին, երբ բարևում էի նրանց, ինձ չէր հաջողվում միացնել դեմքերն ու անունները:

Գաբրիել Գարսիա Մարկես «Վերհիշելով իմ տխուր պոռնիկներին»

Բանն այն է, որ առաջին փոփոխություններն այնքան դանդաղ են ի հայտ գալիս, որ գրեթե աննկատ են լինում մարդու համար, նա շարունակում է ներսից իրեն դիտել այնպիսին, ինչպիսին եղել է, իսկ ուրիշները, նայելով նրան, նկատում են այդ փոփոխությունները:

Գաբրիել Գարսիա Մարկես «Վերհիշելով իմ տխուր պոռնիկներին»

Ինձ ավելորդ հարցեր մի՛տուր, ես չե՛մ ուզում փնտրել բառեր,
Որոնց ուղիղ իմաստի մեջ չե՛ս գտնի այն, ինչ ուզում ես լսել ինձնից:
Ես սիրում եմ, երբ լռում ենք, ու լռում ենք այնպե՜ս խորին,
Որ ավելին է մեզ ասում, քան կլսենք մե՛ր իսկ բերանով
Մե՛զ իսկ ասված բառախմբից․․․

Նարինե Ավագյան «Լռության խորհուրդը» – Ստեղծագործությունն ամբողջությամբ՝

http://grqamol.am/steghcagorcutyunner/yntercoghic/narine-avagyan-lrutyan-xorhurdy/

Ահա այն ամենը, ինչ տվեց ինձ կյանքը, իսկ ես ոչինչ չարեցի, որ նրանից կորզեի ավելին:

Գաբրիել Գարսիա Մարկես «Վերհիշելով իմ տխուր պոռնիկներին»

 

Առլեն Շահվերդյան «Ամանորյա Հեքիաթ»

http://grqamol.am/grqer/online/arlen-shahverdyan-amanorya-heqiat-elektronayin/

Սիրելի ընթերցողներ, տարվա ամենահեքիաթային շրջանն ամանորյա տոնակատա­րութ­յունների օրերն են` շուրջբոլորը վառվող բազմերանգ լույսերով, խանութների ցուցա­փեղկերում հայտնվող ամանորյա բազմապիսի նվերներով ու գեղեցիկ զարդարված տոնածառներով: Բոլորը շտապում են այս ու այն կողմ` նվերներ գնելու, անակնկալներ անելու, սիրելի, մտերիմ մարդուն հաճելի ակնթարթներ պարգևելու համար: Ու թեև ձմեռ է, սակայն բոլորի հոգիներն այդ ժամանակ ջերմ են: Նոր տարվա մոտալուտ գալուստն ազդարարող երգերը, տոնական միջոցառում­ները, հանդեսները, փողոցների զարդերն ու լույսերը շուրջդ խին­դով ու բարությամբ են լցնում, և ամեն ինչ վերածվում է մի անկրկնելի հեքիաթի, որը գերում է ոչ միայն փոքրիկներին, այլև մեծերին: Շատ կարևոր ու հաճելի է նաև տոնածառի զարդարումը: Լավ է, երբ դրան մասնակցում է ամբողջ ընտանիքը: Գրեթե բոլոր տներում տիրում է հաճելի մի եռուզեռ: Տոնա­ծառը զարդարում են բազմապիսի ու բազմագույն խաղալիքներով, լույսերով, շղթա­ներով: Ծառի տակ դնում են նվերները, որոնք ամանորյա գիշերը ընտանիքի անդամները բացում են ու նվիրում մեկը մյուսին: ՈՒրա­խությունն ու բարութ­յունը համակում են բոլորին:

Սիրելի այցելուներ, 2009 թվականին «Լիմուշ» հրատարակչությունում տպագրվեց «Ամանորյա հեքիաթ» վերնագրով գիրքս: Եվ ահա, պատիվ ունեմ Ձեզ ներկայացնելու խոստացված անակնկալս` «Ամանորյա հեքիաթ» գրքի էլեկտրոնային տարբերակն ԱՄԲՈՂՋՈՒԹՅԱՄԲ: Այցելեք ստորև նշված հղումով՝ ընթերցելու այն:

http://grqamol.am/grqer/online/arlen-shahverdyan-amanorya-heqiat-elektronayin/



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: