Grqamol.am » Ամփոփումներ » Ամփոփում ենք 2014 թվականը

Ամփոփում ենք 2014 թվականը

Եվ այսպես, բոլորս միասին ամփոփում ենք անցնող 2014 թվականը: Հիմա բոլորդ թվերի տեսքով կտեսնեք այն ամբողջ հաջողությունը, որը Գրքամոլ Նախաձեռնությունը ձեզ հետ միասին ձեռք բերեց այս մեկ տարվա ընթացքում:

► Նախ, Գրքամոլ էջի հետևորդների թիվն այս տարի ավելացավ ևս 17.000 ընթերցասերներով.

Ցուցանիշը հունվարի 2-ի դրությամբ – 47,205 Like

Ցուցանիշը դեկտեմբերի 31- դրությամբ – 64.080 Like

► Այնուհետև Grqamol.am կայքի էլեկտրոնային գրքեր բաժնում տեղադրվեց 34 էլեկտրոնային գիրք, որոնց բոլորի գումարային բեռնումների թիվն արդեն անցել է, ՈՒՇԱԴՐՈՒԹՅՈՒՆ, 56.598-ի սահմանը (բեռնումների թվերը հասանելի են բոլորի համար): Այսինքն, ավելի քան հիսունվեց հազար ընթերցասերներ իրենց համակարգիչների և պլանշետների մեջ ներբեռնել և ընթերցել են մեր կողմից ավելացվող էլեկտրոնային գրքերը, ինչն ապշեցուցիչ ցուցանիշ է (ապացույցն այն պարզ փաստի, որ մենք հայ հասարակության մեջ մեծացնում ենք ընթերցասերների բանակը):

Բեռնումների թվերը կարող եք բեռնել նաև այստեղից.

Youtube-յան մեր ալիքում տեղադրվեց 22 հոլովակ, որոնց ընդհանուր դիտումների թիվն անցնում է 9,559-ի սահմանը:

► ՈՒՇԱԴՐՈՒԹՅՈՒՆ, Grqamol.am կայքի հաճախումների թիվը մեկ տարվա ըթնացքում անցավ 451.000-ի սահմանը (օրեկան ~ 1235 այցելություն), իսկ գրառումների դիտման քանակը՝ 1.140.000 (օրեկան ~ 3125 գրառումների դիտում):

Ցուցանիշը Հունվարից-Հուլիս/

Ցուցանիշը Հուլիսից-Դեկտեմբեր.

 

► Գրքամոլի ֆեյսբուքյան էջում ամբողջ 2014 թվականին տեղադրվել են ավելի քան 1000 հրապարակումներ (օրեկան միջինը ~ 3 հրապարակում):

► Ինչպես նաև եղան հետևյալ հանրային արձագանքները՝

 Փետրվարի 19-ին՝ գիրք նվիրելու օրվա կապակցությամբ, Հանրային Հեռուստաընկերության «Առավոտ Լուսո» հաղորդում հրավիրվեցին Գրքամոլ Նախաձեռնության ադմինիստրատորները:

Տեսանյութը՝ այստեղ

 «Գրքամոլ Ակումբ»-ի ստեղծման առթիվ Իրավունք Թերթի հարցազրույցը ակումբի նախագահներից:

Հարցազրույցը՝ այստեղ:

 Գրքամոլ-ի 3-րդ տարելիցի առթիվ Առաջին համալսարանականի՝ Radio Fama-յի «Երիտասարդության ձայնը» հաղորդաշար հրավիրվեց Գրքամոլ Նախաձեռնության ադմինիստրատորներից Համլետ Մուրադյան-ը:

Ռադիոզրույցը՝ այստեղ:

► ԱՄԵՆԱԳԼԽԱՎՈՐ ձեռքբերումը՝ Գրքամոլ Ակումբի ստեղծումը Ավ. իսահակյան անվան գրադարանում, որի նպատակն է հայ ընթերցասերների համար ստեղծել այնպիսի գրական միջավայր, որտեղ մասնակիցները հավաքվելով և քննարկելով նախորոք ընտրված գրքերը՝ կարծիքների փոխանակման շնորհիվ կզարգացնեն իրենց վերլուծական մտածողությունը և կհարստացնեն իրենց կարդացած գրքերի ցանկը՝ նույնը քարոզելով իրենց շրջապատին:

► Մեր կողմից երկու անգամ կազմակերպվեց Գրքերի փոխանակման միջոցառումը՝ Խնկո Ապոր գրադարանի հարևանությամբ և Անգլիական այգում, որտեղ գրքամոլները թարմացրեցին իրենց տան գրադարանի գրքերը:

► «Գրքամոլ Ակումբ»-ի կողմից անցկացվեց բարեգործական այց դեպի «ՍՕՍ մանկական գյուղեր» մանկատուն:

Տեսանյութը՝ այստեղ

«Գրքամոլ Ակումբ»-ը հանդիսացավ  «Հայաստանի ժամանակակից արվեստների միության» և «Անտարես» հրատարակչության կողմից կազմակերպվող «Խորհուրդ են տալիս հայտնիները» նախագծի ինֆորմացիոն աջակիցներից:

Մենք կարող ենք ներկայացնել բազմաթիվ այլ հետաքրքիր ցուցանիշներ ևս, այնպիսիք, ինչպիսիք են օրինակ՝ Գրքամոլի ֆեյսբուքյան էջում մեկ տարվա ընթացքում արված բոլոր հրպարակումների գումարային դիտումների, հավանումների, մեկնաբանությունների քանակը, էջը հավանողների տարիքային, սեռային և քաղաքային ցուցանիշները, Grqamol.am կայքում օրեկան միջինը մարդկանց օնլայն գտնվելու թիվը և այլն, սակայն մենք ցանկանում ենք բավարարվել այսքանով՝ ողջ Գրքամոլ հասարակությանը ցույց տալով, որ մեր նախաձեռնության առաքելությունն ու նպատակը ընդամենը թղթին հանձնված նախադասություն չէ, այլ մի վեհ գաղափար, հանուն որի պայքարում է մեր եռյակ թիմը՝ իհարկե, նաև իր սիրելի ընթերցողների անկեղծ խրախուսական և շնորհակալան բազմաթիվ նամակների շնորհիվ:

Ցանկանում ենք, որ գալիք 2015 թվականը ձեզ համար լինի հաջողություների և նորանոր ձեռքբերումների տարի, և շարունակելով հետևել Գրքամոլին՝ այլ ոչ թե նորաձևությանը, կատարեք Ձեր ճիշտ ընտրությունը գրքերի ընտրման և ընթերցման հարցում:

Բոլորիդ մաղթում ենք ուրախ Ամանոր:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: