Grqamol.am » Ամփոփումներ » Շաբաթվա ամփոփում ►08.05.14-15.05.14◄

Շաբաթվա ամփոփում ►08.05.14-15.05.14◄

Այս շաբաթ կայքում ավելացվեց Մկրտիչ Սարգսյանի «Շահմարի Առեղծվածը» գիրքը:

Ընթերցողները հնարավորություն ունեն իրենց կարդացած գրքերից դուրս բերված մեջբերումները տեղադրել այստեղ՝

Այնուհետև Գրքամոլի էջում մեր նախաձեռնության ադմինիստրատորների կողմից տեղ գտան հետևյալ մեջբերումները, որոնք արժանացան մեր հազարավոր հետևորդների ուշադրությանը՝

► Լինում է հաճախ, որ դիմացինիդ մեջ սիրում ես այն, ինչից նա զուրկ է և հիասթափվում ես՝ տեսնելով նրա դատարկությունը:

Դավիթ Սամվելյան «Նա և նրա»

► Մեծությունից մինչև ծիծաղելին միայն մի քայլ է: Եվ մեծություն չկա այնտեղ, ուր չկա պարզություն, բարություն ու ճշմարտություն:

Լև Տոլստոյ «Պատերազմ և Խաղաղություն»

► Մի՞թե ես պետք է ամեն ինչ կորցնեմ, առանց բախտ ունենալու, որ կորցրածը կվերադարձնեմ:

Էմիլի Բրոնտե «Մոլեգին հողմերի դարավանդ»

Ես ունեի հավատ, անմեղություն, սեր, 3 պարգև, որ երկինքը շնորհում է միայն հրեշտակներին, իսկ ես, դժբախտս. չապավինեցի’ աստծուն…

Ալեքսանդր Դյումա «Կոմս Մոնտե Քրիստո»

► Բնության մեջ բոլոր երևույթները օրինաչափ են, ոչինչ չի կարող շեղվել նրա հրաշագործ օրենքներից, նրան են ենթակա ամենքը, լինեն նրանք թեկուզ ամենատարբեր ու ամենաբարդ խառնվածքների: Մարդը, լինելով բնության ծնունդը, նրա ամենամեծ հրաշագործությունը, նրա կատարելությունն ու խեղկատակությունը, նույնպես ենթակա է նրան, թեկուզև ինչ էլ ուզում է անի` չենթարկվելու համար…

Ալեքսան Անտոնյան «Մանե»

► Սրտից բխող սիրո մեջ ավելի հանկարծակի առաջացած հզորություն կա, քան վաղանցիկ ցանկասիրության պոռթկումի մեջ…

Ժորժ Սանդ «Ինդիանա»

► Բարձրագույն սիրո զառանցանքին ենթարկված կինը ավելի զգայացունց է դառնում, ավելի համոզիչ, քան նա, որին կրթությունը սովորեցրել է ինքնատիրապետում և զսպվածություն…

Ժորժ Սանդ «Ինդիանա»

Դժվար էր տեսնել,թե ինչպես է քո իդեալը երես դարձնում քեզնից՝իր հոգևոր նմանակից,և հրապուրվում սոսկ մարմնական գեղեցկությամբ, որն այնքան վաղանցուկ է…

Թեոդոր Դրայզեր «Հանճարը»

► Դժբախտները կարող են հաջողությամբ մարդատյաց դառնալ, բայց նրանք, ովքեր սիրված են` հազվադեպ են ապերախտ լինում…

Ժորժ Սանդ «Ինդիանա»

– Սիրում եմ քեզ իմ ողջ կարողությամբ, իմ սրտի ու բանականության առողջ թելադրանքով, առանց քեզ աննպատակ են դառնալու ապագան ու նրա հետ կապված հեռանկարներս, հասկացիր ու ճիշտ գնահատիր այն մեծ սերը, որ տածում եմ դեպի քեզ, սթափվիր քեզ կաշկանդող կապանքներից, դուրս արի նեղ շրջանակներից, կյանքին նայիր մի այլ տեսանկյունից, մի զոհիր անձնական երջանկությունդ, ապագայում ոչ ոք այն չի գնահատելու: Նրանք, ում թվարկեցիր (բարեկամներ, ծնողներ) ապրելու են՝ կյանքի նպատակ ունենալով իրենց բարեկեցությունը, իրենցը հասկանում ես, ոչ քոնը, նրանք ինչ-որ ժամանակ մոռանալու են քեզ և քո անձնազոհությունը: Քո արժանապատվությունը նաև իմն է, քո պատիվը, հեղինակությունն ու համբավը նաև իմն են: Մտածել ես, թե ինչ է տալու անձնազոհությունդ, ինչով է հատուցվում այն, ում համար է դա…

Ալեքսան Անտոնյան «Մանե»

► Սերը նույնպիսի դաշինք է, ինչպիսին ամուսնությունն է:

Ժորժ Սանդ «Ինդիանա»

► Գծանկարը ոչ միայն այն է, ինչ դրաշմված է թղթի վրա, այլ նաև այն, ինչ վերարտադրված չէ։ Գրիչը սահում է թղթի վրայով և այնտեղ դրոշմում նկարչի էությունը․․․

Դևիդ Վեյս «Օգյուստ Ռոդեն»

► Սերը երբեք հավասար չի լինում…

Դևիդ Վեյս «Օգյուստ Ռոդեն»

► Միթե կարելի է սերը աղերսել, այն կամ կա կամ էլ չկա, և այդտեղ ոչինչ չես կարող անել․․․

Դևիդ Վեյս «Օգյուստ Ռոդեն»

►Իր շրջապատի աշխարհում Լեսթերը ավելի ու ավելի պակաս իմաստ էր տեսնում: Մի ժամանակ, հեռավոր անցյալում, տեղի է ունեցել մի անհասկանալի երևույթ. օրգանական մանրիկ բջիջն սկսել է զարգանալ, այն բազմացել է բաժանումով, սովորել է միանալ ուրիշ բջիջների հետ, առաջացնելով պես-պես օրգանիզմներ՝ ձկներ, գազաններ, թռչուններ, վերջապես՝ մարդ: Եվ ահա մարդը՝ բջիջների այդ կուտակումը, իր հերթին ուրիշ մարդկանց հետ միավորվելով, իր համար ճանապարհ է բացում դեպի ավելի ապահովված ու բազմապիսի գոյություն Իսկ ինչու՞: Միայն աստծուն է հայտնի…

Թեոդոր Դրայզեր «Ջեննի Գերհարդ»

►Մեր աշխատանքը մեր կյանքն է և մենք պետք է աշխարհում մեր հետքը թողնենք, եթե նույնիսկ աշխարհը չի էլ ենթադրում մեր գոյության մասին…

Դևիդ Վեյս «Օգյուստ Ռոդեն»

Սովորաբար կնոջ արցունքներում ավելի շատ հանդիմանություն կա, քան այլոց հայհոյանքներում…

Ժորժ Սանդ «Ինդիանա»

►Գեղեցկությունն ամենաթանկարժեք պարգևն է, գեղեցկությունն ամեն ինչը արդարացնում է և հրաշքներ է գործում: Նկարիչն ամենից շատ կարիք ունի գեղեցկության: Մտածել և ստեղծել գեղեցկություն՝ այդ էլ հենց ապրել է նշանակում:

Դևիդ Վեյս «Օգյուստ Ռոդեն»

►Մարդկային մարմնից ավելի գեղեցիկ, ավելի ուժեղ և ավելի վայելչագեղ ոչինչ չկա: Այն բոլոր զգացմունքների կենտրոնակետն է: Երբ այն թաքցնում են, նրան ճնշում, խեղաթյուրում, այլանդակում են: Բոլոր ԻՍԿԱԿԱՆ քանդակագործները հասկացել են այդ: Սովորաբար մարդկային քողածածկ կերպարը թաքնված կերպար է: Իսկ քանդակագործությունը, ինչպես նաև արվեստն ամբողջությամբ վերցրած, թաքցնելու ոչինչ չունի:

Դևիդ Վեյս «Օգյուստ Ռոդեն»

Տգեղ կանայք թունոտ են, չար ու նախանձ, նրանք միշտ վատն են տեսնում, բամբասանքն ու շողոմությունը նրանց միակ մխիթարությունն է: Նրանք լավն ու գեղեցիկը չեն կարող տեսնել, նրանց ինչքան ուզում ես` լավություն արա, ինչքան ուզում ես` բարի եղիր ու հոգատար, ինչքան ուզում ես դրական վերաբերմունք ցույց տուր, միևնույնն է, հենց հարմար պահ գտան կխայթեն, հենց իրենց բարերարին կխայթեն…

Ալեքսան Անտոնյան «Մանե»

 

► Նա սփոփվում էր երևակայությամբ, մտածելով, որ մի ժամանակ երջանիկ է եղել:

Ֆեոդոր Դոստոևսկի «Ոճիր և պատիժ»

Բայց Էժենին, հարվածի տակ խոնարհվելու փոխարեն, հպարտ բարձրացրեց գլուխը…

Ալեքսանդր Դյումա «Կոմս Մոնտե Քրիստո»

►Մահվան դատապարտված մի մարդ մահից մի ժամ առաջ ասում կամ մտածում է, որ եթե իրեն վիճակվեր ապրել մի որևէ բարձունքի, ժայռի վրա, այնպիսի նեղ տեղում, ուր կարելի լիներ միայն ոտքերը տեղավորել, իսկ շուրջը լիներ անդունդ, օվկիանոս, հավերժական խավար, հավերժական առանձնություն և հավերժական փոթորիկ, ու այդպես ինքը մի արշին տարածության վրա կանգնած մնար ամբողջ կյանքում, հազար տարի, հավիտենապես, ապա ավելի լավ էր այդպես ապրել, քան այժմ մեռնել: Միայն թե ապրել, ապրել ու ապրել: Ինչ կերպ էլ որ լինի, ապրել…Ինչպիսի՛ ճշմարտություն, տե՛ր Աստված, ինչպիսի՛ ճշմարտություն: Ստոր է մարդը…Եվ ստոր է նա, ով նրան դրա համար ստոր է անվանում:

Ֆեոդոր Դոստոևսկի «Ոճիր և պատիժ»

► Ջեննին աղոտ զգացողություն ուներ, որ աշխարհը սխալ ու անհաստատ է կառուցված: Հավանորեն ոչ ոք մինչև վերջ ոչինչ չի հասկանում: Մարդիկ ծնվում են և մեռնում: Ոմանք գտնում են, որ աշխարհը ստեղծվել է վեց հազար տարի առաջ, ուրիշներն ասում են, թե այն գոյություն ունի շատ ու շատ միլիոնավոր տարիներ: Եվ ի՞նչ է թաքնված այս ամենի տակ. կույր պատահականությու՞ն, թե՞ ինչ-որ ուղղություն տվող գիտակցություն, ինչ-որ աստված: Երևի պետք է որ մի ինչ-որ բան լինի, մտածում էր Ջեննիին, երևի մի ինչ-որ բարձրագույն ուժ է ստեղծել շրջապատի ամբողջ գեղեցկությունը՝ ծաղիկները, խոտը, ծառերը, աստղերը: Բնությունը որքա՜ն չքնաղ է: Կյանքը երբեմն դաժան է թվում, բայց բնության գեղեցկությունը հարատև է: Այս միտքն էր զորավիգ լինում Ջեննիին, որը իր մենության մեջ հաճախ և երկար ժամանակ մխիթարվում էր դրանով:

Թեոդոր Դրայզեր «Ջեննի Գերհարդ»

► Ըստ ինչ-որ հնամենի հաշիվների կամ, ավելի ճիշտ, համաձայն դարերի ընթացքում սրբագործված բիբլիական ֆորմուլայի, մարդուն յոթանասուն տարվա կյանք է տրված: Սերնդե-սերունդ անվերջ կրկնվող այդ ֆորմուլան այնպես ամուր է արմատացել մարդկանց գիտակցության մեջ, որ ընդունվում է որպես անվիճելի ճշմարտություն: Բայց իրականում մարդը, թեպետև իրեն մահկանացու է համարում, օրգանապես կարող է ապրել հինգ անգամ ավելի, և իսկապես, նրա կյանքը շատ ավելի երկարատև կլիներ, եթե միայն նա իմանար, որ ապրում է ոչ թե մարմինը, այլ՝ հոգին, որ հասակը սոսկ պատրանք է և որ մահ չկա: Սակայն դարերով աչմատավորված միտքը, որ չգիտես ինչ մատերիալիստական հիպոթեզների պտուղ է, չափազանց դժվար է դուրս վանել գիտակցությունից, և ամեն օր մարդիկ մեռնում են, ասես ենթարկվելով հնազանորեն ու վախով ընդունած այդ մատերիալիստական ֆորմուլային:

Թեոդոր Դրայզեր «Ջեննի Գերհարդ»

Մեր դարում նյութական ուժերի ներգործությունը համարյա անհաղթահարելի է. նրանք ճնշում ու խորտակում են հոգին: Զարհուրելի արագությամբ զարգանում ու բարդանում է մեր քաղաքակրթությունը, բազմապիսի ու փոփոխական են հասարակական կյանքի ձևերը, մեր անհաստատ, նրբացած և աղճատված երևակայության վրա խիստ այլազան ու անսպասելի են ազդում, օրինակ, այնպիսի գործոններ, ինչպիսիք են երկաթուղիները, ճեպընթաց գնացքները, փոստը, հեռագիրը և հեռախոսը, լրագիրը, մի խոսքով, մեր հասարակության մեջ գոյություն ունեցող հաղորդակցության ու կապի միջոցների ամբողջ մեխանիզմը: Այս ամենն ամբողջությամբ վերցրած ստեղծում է կալեյդոսկոպիկ խայտաբղետություն, կուրացուցիչ, անկանոն կենսական ֆանտասմագորիա (ցնորամտություն), որը հյուծում, բթացնում է սիրտը և ուղեղը: Այստեղից էլ՝ յուրատեսակ մտավոր հոգնածությունը, և ամեն մի օրը բազմապատկում է նրա զոհերի թիվը, նրանց թիվը, ովքեր տառապում են անքնությամբ, մելամաղձությամբ կամ պարզապես խելագարվում են: Ժամանակակից մարդու ուղեղը, ինչպես երևում է, ընդունակ չէ տեղավորելու, դասավորելու և պահպանելու ամեն օր նրա վրա տեղացող փաստերի ու տպավորությունների վիթխարի զանգվածը: Մենք չափից ավելի ակնառու ենք ապրում և արտաքին աշխարհից թաքնվելու տեղ չունենք: Մենք ստիպված ենք լինում խիստ շատ բան ընկալել: Ասես անծայրության իմաստությունը փորձում է իր համար ճանապարհ բացել դեպի նեղվածք գանգերը և տեղավորվել սահմանափակ ուղեղներում:

Թեոդոր Դրայզեր «Ջեննի Գերհարդ»

Մարդ էակը կարող է դիմանալ ծարավին մեկ շաբաթ, սովին՝ երկու շաբաթ, կարող է տարիներ անկացնել առանց տանիքի, բայց չի կարող տանել միայնությունը։

Պաուլո Կոելյո «Տասնմեկ րոպե»

Չի կարելի դադարել մարդուն սիրել միայն այն պատճառով, որ նա մեռել է, գրողը տանի, մանավանդ, որ նա լավն էր բոլոր կենդանի արարածներից…

Ջերոմ Դեյվիդ Սելինջեր «Տարեկանի արտում` անդունդի եզրին»

Հույսդ ծով արա, փակված դռանը բացվել կա…

Դերենիկ Դեմիրճյան «Վարդանանք»

Բոլորն էլ համոզված էին, որ ոչինչ չի կարող նրանց բաժանել, բայց նրանցից և ոչ մեկի մտքով չէր անցնում, թե ընդամենը մի քանի ամսի պատմություն է ունենալու այդ բոլորը: Նրանք ո՛չ առաջին և ո՛չ էլ վերջինն էին, նրանք ևս մարդ էին` թրծած քար ու կրից, հոգու ու մարմնի, բարու և չարի միացություն էին, հետևապես զերծ չէին այն բոլոր թերություններից, որն ունի մարդը և դեռ ունենալու է…

Ալեքսան Անտոնյան «Արևածաղիկներ»

Միշտ էլ ավելի դժվար է նրա համար, ով մնում է…

Էլչին Սաֆարլի «Եթե իմանայիր»

Ադամանդը, որը շողում է Մարլեի կամ Ֆոսենի ցուցափեղկում, ավելի սքանչելի է թվում, երբ դառնում է մերը: Բայց եթե դուք համոզվեք, որ կա ուրիշ ավելի մաքուր որակի ադամանդ, իսկ դուք ստիպված եք կրել ցածրորակը, ապա, հիրավի, կտառապեք…

Ալեքսանդր Դյումա «Կոմս Մոնտե Քրիստո»

Թեոդոր Դրայզեր «Ջեննի Գերհարդ»

Թեոդոր Դրայզեր «Ջեննի Գերհարդ»



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: