Grqamol.am » Ստեղծագործություններ » Մեր Կողմից » Հասմիկ Մելիքսեթյան » Հասմիկ Մելիքսեթյան «Չոր դատարկություն…»

Հասմիկ Մելիքսեթյան «Չոր դատարկություն…»

Դատարկություն եմ զգում հոգուս խորքում,
Ցուրտ է, դատարկ է, էլ ոչինչ չկա,
Կարծես անպատճառ մրսել եմ սկսում…
Ինքս իմ առջև ազնիվ եմ հիմա…

Ու ես բացել եմ խաղաթղթերս,
Էլ չեմ թաքցնում ինձնից ես ոչինչ,
Ես ընդունում եմ, որ ես մենակ եմ,
Ու որ չեմ ուզում փոփոխել ոչինչ…

Հա ես մենակ եմ… ես միայնակ եմ…
Բայց ես չեմ ուզում իմ կյանքը փոխել,
Մեջս ինչ-որ բան անհույս մարել է,
Ես չեմ ուզում իմ կյանք նոր մարդկանց թողնել…

Հեռու մնացե’ք, հանգիստ թողեք ինձ,
Առանց նոր մարդկանց հանգիստ է, խաղաղ,
Ու չկան մարդիկ որ ինձ նեղացնեն,
Կան մարդիկ ովքեր թանկ են ինձ համար:

Ու այս հասակում, չգիտեմ ինչու,
Անհետաքրքիր է դարձել ամեն ինչ,
Ես վախենում եմ, որ ինձ այլևս
Չի հետաքրքրում այս կյանքում ոչինչ…

Դատարկություն եմ զգում հոգուս խորքում,
Հիասթափություն, անտարբերություն,
Ու խեղդող կարոտ…
ՈՒ՞մ եմ կարոտում, ինքս էլ չգիտեմ,
Բայց կարոտում եմ, շատ եմ կարոտում…
Գուցե անցյալի՞ս.
Բայց չէի ուզի, որ այն կրկնվեր…
Գուցե հենց նրա՞ն.
Չէի ուզի, որ նա կյանքումս լիներ…
Իսկ միգուցե ես կարոտել եմ
Իմ արցունքներին… իմ թաց աչքերին…
Անկեղծ եմ ասում` ուզում եմ լացել,
Ու դատարկությունը արցունքով լցնել…

Հեղինակ`  Հասմիկ Մելիքսեթյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: