Grqamol.am » Ստեղծագործություններ » Մեր Կողմից » Հասմիկ Մելիքսեթյան » Հասմիկ Մելիքսեթյան «Ամեն ինչ անցավ…»

Հասմիկ Մելիքսեթյան «Ամեն ինչ անցավ…»

Մեր սերն էլ անցավ ու մի հուշ դարձավ,
Կարծես թե անցավ` քաղցր հուշ դարձավ:
Թվում էր ` իրար կսիրենք անվերջ,
Միասին կլինենք մինչև կյանքի վերջ,
Թվում էր` դու ինձ էլ չես մոռանա,
Թվում էր` քեզնից ես չեմ հեռանա:
Երբ մի պահ կանգնում ու նայում եմ հետ,
Տեսնում եմ ճամփան միասին անցած,
Այնտեղ կա շատ ցավ, կա խանդ ու կա սեր,
Բայց այդ ամենը անցել է անդարձ:

Ես չեմ ափսոսում անցյալի համար,
Ներկայի վիշտն է ինձ հիմա տանջում,
Ես չեմ ուզում որ թողնենք իրար,
Բայց նաև զգում եմ, որ էլ չեմ սիրում:
Զգում եմ. սիրտս ձայնդ լսելիս,
Կրծքիս տակ արագ էլ չի տրոփում:
Զգում եմ. ուրիշի մասին քո քաղցր խոսքից,
Խանդը, այլևս, սիրտս չի կրծում:
Ինչու՞ է այդպես,
Ինչու՞ սիրելիս,
Չէ՞ որ միասին մենք երազում էինք
Մեր վառ ու պայծառ գալիքի մասին,
Չէ՞ որ անցյալն ու ներկան էին մեզ միշտ դժվար թվում,
Սակայն ապագան` միշտ վառ ու պայծառ,
Սակայն ապագան` հավերժ միասին…
Սակայն ապագան… ավաղ սիրելիս…
Հիմա այլևս չկա ապագա,
Որը կլինի մեր երկուսինը,
Կա լոկ իմ, կա քո,
Պայծառ թե մռայլ, ուրախ թե տխուր,
Ես դա չգիտեմ…
Գիտեմ միայն. Կա լոկ իմ կա քո անջատ ապագան:
Ավաղ սիրելիս,
Չկատարվեց մեր ամենաբաղձալի երազանքը,
Բայց չէ, քաղցրս, դու մի մտածիր,
Մենք մեղավոր չենք,
Ուղղակի այն զգացմունքը, որին բոլորը սեր են անվանում
Ինչքան անսպասելի է հայտնվում,
Այնքան էլ անսպասելի է անհետանում:
Դե մնաս բարով, իմ մեծ, իմ միակ,
Իմ առաջին սեր…
Քեզ միշտ կհիշեմ, դու հուշ ես դարձել…
Եվ գուցե ճիշտ է Սևակը ասել, որ
«Առաջին սերը, ինչպես որ հացը,
Ինչ էլ որ անես` միշտ կուտ է գնում… »:

 

Հեղինակ` Հասմիկ Մելիքսեթյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: