Grqamol.am » Ստեղծագործություններ » Մեր Կողմից » Հասմիկ Մելիքսեթյան » Հասմիկ Մելիքսեթյան «Չեմ ների…»

Հասմիկ Մելիքսեթյան «Չեմ ների…»

largeԷլ քեզ չեմ ների,
Էլ հետ չեմ կանչի,
Իզուր չսպասես, իզուր չհուսաս:
Ես ինձ քո գերին նորից չեմ դարձնի,
Իզուր չսպասես, իզուր չհուսաս:

Երբ սիրտս գոռա անունդ ցավով,
Ես կխլացնեմ ճիչը ժպիտով,
Երբ կարոտելով քեզ` սիրտս ոռնա,
Ես իմ հուշերով կխաբեմ նրան:

Կդառնամ ինքս ինձ համար դահիճ,
Ու իմ կայացրած դատավճիռը կյանքի կկոչեմ.
Անսեր ապրելու, անվերջ տանջվելու դատավճիռը կյանքի կկոչեմ,
Բայց քեզ չեմ ների,
Էլ ետ չեմ կանչի…

Ցավից կգոռամ մեկուսի տան մեջ,
Ու արցունքներս կհորդան անվերջ,
Ես քեզ պատժելով ինձ կպատժեմ,
Բայց չեմ ների քեզ ու չեմ կանչի ետ,
Իզուր չսպասես, իզուր չհուսաս…

Էլ չեմ սպասի քեզ,
Ու քո սպասումից սիրտս չի դողա մենակ մնացած տերևի նման,
Էլ չեմ սպասի քեզ,
Ու չեմ հավատա, որ դու ետ կգաս առանց կանչելու,
Իզուր չեմ սպասի, իզուր չեմ հուսա…

 © Հասմիկ Մելիքսեթյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: