Հասմիկ Մելիքսեթյան «Նամակ»

Իմ լիարժեքությու՜ն, իմ ջերմությու՜ն, իմ ապրելակերպ… ԻՄ ու միայն ԻՄ ♥
Արդեն 8-րդ ամիսն է որ առանց քեզ եմ… արդեն 8 ամիս ցուրտ է, անխնա ցուրտ…
ու ինչի՞ էսօր դու իմ կողքին չես… ինչի՞ ձեռքերիդ փոխարեն ինձ պետք է գրկեն նամակիդ տառերը, բառերը, նախադասությունները…
կարոտել եմ քեզ…
ուրախ եմ, որ մեկ ամսով էլ մոտեցավ մեր հանդիպումը, բայց միևնույն ժամանակ տարօրինակ թախծոտ եմ այսօր… երևի օրվա խորհուրդն է էդպիսին, երևի դրանից է, որ այսօր քո կարիքը ավելի ուժեղ եմ զգում, այսօր կարոտս ավելի խորն է, սերս ավելի ամուր, սպասումս ավելի անհամբեր, քեզնից հետո մնացած դատարկությունը ավելի դատարկ ու ԹԱՑ… այսօր օրը կարծես լցված է սիրահարների սիրով, կարոտով, ուրախությամբ, հույսերով, զգացմունքներով, ապրումներով ու հույզերով… երևի թե աշխարհի բոլոր սիրող սրտերը այսօր ինչ-որ մի գերբնական ուժով կապվել են մեկը մյուսի հետ ու զգում են մեկը մյուսի սրտի փոթորիկը… երևի թե հենց դա է ներսս փոթորկող զգացմունքների և սրված կարոտի… կարոտի, կարոտի, կարոտի, կարոտի… կարոտի պատճառը…
մտքերս այնքան հեռու են ինձնից… պոկվել ու քեզ մոտ են վազում առանց վարանման… խե՜ղճ մտքեր ցնորվել են առանց քեզ…
Նամակս լցվեց ներսիս թախիծով, չնայած, որ ուրախ բան էի ուզում ստացվեր… բայց դու միշտ հիշիր, որ ես ուրախ եմ, ու այսօր ավելի շատ, որ հենց ԴՈւ ես այսօրվա օրը ինձ համար ՏՈՆ լինելու պատճառը, որ ունեմ քո նման սիրած էակ իմ կողքին ու որ քո սիրած էակն եմ ես…
շնորհավորում եմ մեզ և բոլոր սիրող և սիրված երևույթներին ♥

Հեղինակ` Հասմիկ Մելիքսեթյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: