Grqamol.am » Ստեղծագործություններ » Մեր Կողմից » Հասմիկ Մելիքսեթյան » Հասմիկ Մելիքսեթյան «Վերացող մարդիկ»

Հասմիկ Մելիքսեթյան «Վերացող մարդիկ»

 

Քչացան մարդիկ
Շատացան մարդեր,
Անիրավ մարդեր,
Ու անսիրտ մարդեր,
Անսկզբունքային ու գազան մարդեր,
Շահին ստրուկ մարդեր,
Փողին քած մարդեր,
Կամքից թույլ մարդեր,
Անհավատ մարդեր:
Իրենց հորինած ստով թաթախված,
Իրենց կեղծ կյանքով ցնծացող մարդեր:
Ուրիշի վշտի հանդեպ քարացած.
Վշտին կույր մարդեր, վշտին խուլ մարդեր:
Երբևէ իրենց դեմքը չունեցող,
Դիմակներ կրող, կեղծ, շինծու մարդեր:
Իրենց վաճառող,
Սերը վաճառող,
Ընտանիքը, տունը վաճառող,
Եվ հայրենի՜քը անգամ վաճառող,
Շա՜տ ծախու մարդեր,
Շա՜տ էժան մարդեր:
Ավերակ տան պես սառն ու մութ մարդեր,
Լքված կնոջ պես չարացած մարդեր,
Ատելությունից կարծրացած սրտեր,
Ու նախանձով լի սրտերով մարդեր:
Լավատեսության գույնը մոռացած,
Անվերջ բողոքող, միշտ դժգոհ մարդեր,
Ու չկամության թույնով վարակված,
Խաբեբա մարդեր, բանսարկու մարդեր…
Քչացան ՄԱՐԴԻԿ, Շատացան մարդեր…
Անիծվե՜ք մարդե’ր…

 © Հասմիկ Մելիքսեթյան

Հ.Գ.

Սպասում եմ անկեղծ կարծիքների:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: