Grqamol.am » Ստեղծագործություններ » Ընթերցողից » Ամալ Գևորգյան «Մարդը մեր օրերում»

Ամալ Գևորգյան «Մարդը մեր օրերում»

Մարդը մեր օրերում

Դուրս եմ գալիս փողոց,լուռ քայլում եմ,չեմ նայում ոչ մեկի,բայց խորհում եմ իմ մեջ: Խորհում եմ կյանքը, նայում եմ մի պահ մարդկանց ու հետո աչքերս եմ սեղմում,սեղմում եմ,որպեսզի չզգամ կամ չնկատեմ մարդկանց,մարդկանց,որոնք ամենևին էլ մարդ չեն:Որտեղ հոգին է մահանում,այնտեղ մահանում է մարդը:Ֆիզիկական գոյությունը դեռ մարդ լինել չէ:
Հետո նորից բացում եմ աչքերս ու ,հավաքելով բոլոր ուժերս,ուշադիր նայում եմ նրանց աչքերին: Իսկ ի՞նչ են ասում ինձ այդ աչքերը: Մարդիկ խաբուսիկ են:Երկար նայում եմ այդ աչքերին:Աչքեր կան, որոնք այնքան ասելիք ունեն,բայց չունեն այն մեկին,ով լուռ համբերությամբ և մեծագույն խնամքով կօգներ իրենց գոնե լսելով:Բայց աչքեր էլ կան,որոնք դողում են դատարկությունից,բայց շարունակում են թաքցնել այն երկար դատարկաբանելով` հոգնեցնելով մյուսներին:Եվ վերջապես աչքեր,որոնք նման են թիկնապահների,որոնք հետևում են ամեն քայլափոխիդ,որոնք աղոթքների փոխարեն միայն անեծքներ են փսփսում` քայլելով քո ետևից:Մարդն այն մեկն է,որին երբեք չես կարող ճանաչել լիովին:Ինչու՞ են մարդիկ չարանում: Ինչի՞ց:Մի գուցե կյանքն է ստիպում,չգիտեմ:Եվ ինչպե՞ս են մարդիկ բարի դառնում: Երևի խեղճությունի՞ց, էլի չգիտեմ: Ես էլ եմ բարի ու ամեն օր ավելի բարի եմ դառնում, որն այնքան չեմ ուզում:
Այսօրվա հասարակության միայն 20%ին կարելի է համարել մարդ,մարդ`բոլոր առումներով:Մարդը գեղեցիկ է,երբ նրա հոգին է գեղեցիկ:Այսօրվա մարդը հարաբերական է:Մարդ լինելու համար նույնպես անհրաժեշտ է խելացի գտնվել:Այսօրվա հասարակությունը լի է բազում արատներով.ցավալի է: Բոլորը խաբում են իրար դավաճանում, ծաղրում,նայում իրար հեգնական հայացքներով`մեկը մյուսին իրենից բարձր գերադասելով.թե ինչ արժանիքներով, չգիտեմ…Իսկ երբ տեսնում են ինչ-որ մեկի մեջ այն լավը,գեղեցիկը`այն,ինչ որ նրանք չունեն,ամեն գնով փորձում են այն ավիրել իրենց նախանձ աչքերով:
Ես վաղուց արդեն չեմ երազում,ու չեմ սպասում այն հեքիաթային օրվան,որ մարդիկ կսկսեն նկատել ու շտկել իրենց իսկ թերությունները`փոխարենը դիմացինի մեջ թերություններ փնտրելուն:Ինչպես կասեր Պարույր Սեվակը «մարդու նկատմամբ մարդ եղեք մարդիկ»:

Հեղինակ՝ Ամալ Գևորգյան

Սեղմեք այստեղ՝ ստեղծագործությունը Գրքամոլ էջում կարդալու համար:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: