Grqamol.am » Ստեղծագործություններ » Ընթերցողից » Անահիտ Նահապետյան «Փոքրիկ Իշխանը»

Անահիտ Նահապետյան «Փոքրիկ Իշխանը»

© Անահիտ Նահապետյան. Գրքամոլ Ակումբ

Գեղեցիկ ոճով շարունակել է «Փոքրիկ Իշխան»-ի՝ իր համար անավարտ պատմությունը.

«Երբ Փոքրիկ Իշխանը ավարտեց իր բոլոր որոնումները, սկսեց մտածել իր՝ փոքրիկ, չորս փշանի վարդի մասին, որն այնքան միայնակ ու խղճուկ էր առանց նրա: Եվ այսպես նա որոշեց ետ դառնալ այն բոլոր մոլորակներով, որտեղով որ անցել էր: Նա կրկին իր ճանապարհին հանդիպեց առևտրականին, սլաքավարին, վարդերին, աստղերին, օձին և,ահա, աշխարհագրագետին, ում պատմեց իր ամբողջ որոնումների ընթացքը, հետո հանդիպեց լապտերավառին, հարբեցողին, ով արդեն ամոթից թողել էր իր բաժակը և սկսել էր իր համար փնտրել մի նոր հետաքրքիր աշխատանք: Հաջորդ մոլորակում, որ նա գտնվեց դա գործարարինն էր, իսկ մյուսն արդեն թագավորինն էր, սակայն ճերմակած ծերունին արդեն շատ տկար էր և դժվարանում էր իր աշխատանքը կատարել: Ցավոք Փոքրիկ Իշխանը չէր կարող նրան օգնել, որովհետև ուներ իր մոլորակը, որտեղ ապրում էր իր սիրելի ծաղիկը և երեք հրաբուխները, որից մեկը, ինչպես հիշում են մեր սիրելի ընթերցողները, չէր գործում: Եվ ահա՝ երկար ու հետաքրքիր փնտրտուքներից ու որոնումներից հետո Փոքրիկ Իշխանը վերջապես հասավ իր մոլորակը, սակայն այստեղ նա հանդիպեց մի այնպիսի հաճելի անակնկալի, որի մասին երբեք չէր մտածել: Նա իր փոքրիկ մոլորակում հանդիպեց այն աղվեսին, որին այդքան ընտելացել էր, խորհուրդների տարափով ու լավատեսությամբ լցված այդ եզակի կենդանին փոքրիկ տղային սովորեցրեցրել էր յուրաքանչյուր առարկայի կամ երևույթի մեջ գտնել իր հետաքրքրությունը, և երբ տղան հեռացել էր նրա մոլորակից, աղվեսը չէր մոռացել տղայի սիրելի ծաղկի մասին և որոշել էր գնալ Փոքրիկ Իշխանի մոլորակ ու խնամել վարդին մինչ նրա գալը: Նրանք երեքով դարձան շատ լավ ընկերներ և որոշեցին, որ բոլոր այն մարդկանց, ում հանդիպել էր Փոքրիկ Իշխանը, իր ճանապարհին հրավիրել իր մոլորակ, բայց քանի որ նրա մոլորակը շատ փոքրիկ էր, նրանք բոլորով որոշեցին իրենց մոլորակները միացնել և ստեղծել մի նոր աշխարհ, որը կանվանվի՝ «Փոքրիկների հեքիաթային մոլորակ»: Եվ հենց այդպես էլ եղավ. նրանք բոլորով միացան միմյանց, բայց քանի որ թագավորը արդեն շատ ծեր էր՝ կառավարելու նրանց մոլորակը, այդ իսկ պատճառով նոր թագավոր կարգվեց Փոքրիկ Իշխանը, ով մինչև այսօր էլ երեխաների ու մեծահասակների անբաժանելի ընկերն է»:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: