Grqamol.am » Ստեղծագործություններ » Ընթերցողից » Արթուր Սարգսյան «Մենք լավագույն սիրեկաններից էինք»

Արթուր Սարգսյան «Մենք լավագույն սիրեկաններից էինք»

Մենք չէինք էլ կարող պատկերացնել, որ կլիներ այսպես, որ ես դառնայի քո սիրեկանն, իսկ դու էլ իմ: Ասում եմ քո դեպքում նույնպես սիրեկան, ոչ թե սիրուհի, վստահ լինելով, որ այդպես ավելի գեղեցիկ է հնչում: Հանգամանքների բերումով երկուսիս կյանքի ճամփաներն այլ կերպ դասավորվեցին: Դու ամուսնացար նրա հետ, իսկ ես մնացի մենակ, նախանձելով նրան, ով քեզ գրկեց իմ փոխարեն: Ասում են նախանձությունը ոչ մի դեպքում էլ խրախուսելի չէ և դա ուղղակի հորինվածք է` բարի նախանձ ասվածը: Անկարող եղա զսպել իմ սերն անգամ այն դեպքում, երբ արդեն դու կողքիդ ունեցար կողակից: Ես գաղտագողի ամեն ժամանակ քեզ հետևեցի, փնտրեցի հանդիպումներ, ամեն անգամ դու ինձ խնդրեցիր քեզ մոռանալ, հիշեցնելով որ դու սիրում ես քո ամուսնուն: Անգամ այդ փաստն հաշվի չառա և սրտաբաց եղա քո առաջ, ասելով, որ չեմ կարողանում ապրել առանց քեզ, ուր մնաց մոռանամ քո գոյության մասին: Սկսեցիր վախենալ ինձանից, զգուշացնելով, որ կդիմես ուրիշ միջոցների եթե քեզ չթողնեմ հանգիստ, բայց դա ինձ համար միևնույն եղավ: Ոմանք կարդալով այս ամենն ինձ երևի խելապակասի, խելագարի անուններով կոչեցին, գուցե ոմանց աչքին ես թվացի տականք, որ լավ իմանալով իր սիրելին ուրիշի կինն է, շարունակում էի նրան սիրահատել, սիրաբանել նրա հետ: Բայց դու’ք ոչ-մեկդ չեք կարող հասկանալ, թե ինչ է իսկական սերը, չեմ էլ դնի բացատրեմ դա, որովհետև դուք կրկին մնալու եք ձեր կարծիքին: Շարունակելով գրել, կուզենայի անդրադառնալ ինչ եղավ հետագայում: Մի օր ես քո դիմացը փակեցի անգամ, իսկ դու ցանկացար հրել ինձ, բայց ես` անդրդվելիս, ես` սիրահարս ավելի զոր եղա և բռնեցի ձեռքդ, իսկ դու փախցրեցիր, ես որոշեցի անցնել ավելի ուրիշ միջոցի և համբուրել քեզ, դու ինձ ապտակեցիր, բոլորը մեզ էին նայում, բայց ես քաղել էի քո շուրթերից իմ երազած համբույրը: Հիշում եմ մի երկու կծու խոսք ասացիր և հեռացար: Դրանից հետո ևս մեկ անգամ ինձ տեսար, ամուսնուդ հետ էի,մոտեցա ձեզ և նվիրեցի քեզ մի վարդ: Ամուսինդ զայրացավ իսկույն, իսկ դու խաբեցիր ասելով, թե ես քեզ վարդ էի պարտք մնացել և քո ուսանողական ընկերներից եմ, սկզբում նա չցանկացավ հավատալ բայց դու ինձ մոտ նրան գրկեցիր և ասացիր սիրելիս ես քեզ չեմ խաբում: Այդ պահն ինձ ավելի կատաղեցրեց և ես որոշեցի անցնել ավելի վտանգավոր գործողությունների, ես ընտրեցի այն ժամանակահատավածը, երբ դու տանը մենակ կլինես և ծեծեցի ձեր տան դուռը: Դու բացեցիր սկզբում տեսնելով մարդ չկա, ես մտա ներս ու փակեցի բանալիով դուռը, իսկ դու սկսեցիր վախենալ, որ քեզ հետ վատ բան կարող եմ անել, իսկ ես քեզ հանգստացնելով ասացի` լսի’ր ինձ: Դու չէիր ուզում, խնդրում էիր բացեմ դուռը, բանալին տալով քեզ և հեռանամ, վախենալով որ ամուսինդ կգա և ես կդառնամ ձեր բաժանման պատճառը: Ընդամենը ես քեզ օր նշանակեցի հանդիպման համար ու վայր, միայն քո երդումը լսելով ես հեռացա, որ դու կգայիր: Մի քանի օր անց հանդիպեցինք, ես քեզ խնդրեցի նստել, իսկ դու չցանկացար սկզբում, բայց հետո ենթարկվեցիր: Կարդացի քեզ համար մի նամակ, վերջում տեսա, թե ինչպես լցվեցին աչքերդ, ես իմ ձեռքերով մաքրեցի արցունքներդ և համբույրեցի այտդ: Դու ուզում էիր դիմադրել սկզբում, բայց ի վերջո ես հաղթանակեցի, հետո կամաց-կամաց արձակեցի կոճակները քո, իսկ հետո երկուսս վայելեցինք իրար: Այդ օրը ես երբեք չմոռացա: Դրանից հետո դու քեզ անընդհատ մեղադրում էիր դավաճանության համար, քեզ չէիր կարողանում ներել: Չէիր հասկանում թե ինչ ուժ ուներ իր մեջ իմ նամակը: Այդ նամակից հետո դու փափկեցիր իմ հանդեպ, քո վերաբերմունքի մեջ նկատեցի սիրալիրություն. ես երջանիկ էի: Խոստացա քեզ երբեք չբաժանել նրանից, և գաղտնի պահել մեր սերը, մեր կրքոտ օրերը ու թե անգամ կասկածի տեղիք տայիր ամուսնուդ դավաճանության, երդվեցի քո անունով, որն ինձ համար անչափ թանկ էր, վերացնել կասկածի ամպերը: Մենք դարձանք սիրեկաններ, մենք լավագույն սիրեկաններից էինք…

Հեղինակ՝ © Արթուր Սարգսյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: