Grqamol.am » Ստեղծագործություններ » Ընթերցողից » Դավիթ Պողոսյան «Իմ դրաման»

Դավիթ Պողոսյան «Իմ դրաման»

Ի՞նչ են ասում արցունքները,
Արցունքները աչքերի,
Որ հոսում են այտերն ի վար
Դրաման են իմ կյանքի:

Իսկ ի՞նչ է սա թե ոչ դրամա,
Արցունքները աչքերին,
Կոտրած ծաղիկն ու՞մ կհասնի
Մենախաղի ավարտին:

Ի՞նչ են ասում տողերն իմ այս
Բախտի գրքից սկիզբ առած,
Խոսքերս էլ չեն հերիքի,
Երբ նրա հոգին ինձ փարվի:

Ի՞նչ են անում արցունքները,
Արցունքները աչքերի,
Որ հոսում են այտերն ի վար
Նուրբ շոյանք է իմ ձեռքի:

Հիմա կասեք, թե ի՞նչ շոյանք,
Արցունքն ինչպե՞ս կշոյի,
Ամեն մի խոսք իր կաթիլով
Այտերն ի վար կհոսի:

Մի մենախաղ սիրո համար
Արցունքները աչքերին,
Իմ ծաղիկը տխուր է շատ
Դրամայի ավարտին:

Հեղինակ՝ © Դավիթ Պողոսյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: