Grqamol.am » Ստեղծագործություններ » Ընթերցողից » Գայա Ասատրյան «Եկ մի կողմ թողնենք»

Գայա Ասատրյան «Եկ մի կողմ թողնենք»

Եկ մի կողմ թողնենք…….  575213_458094720900524_2119315912_n

Երբ մարմինն է որբ,

Ողբում է հոգին,

Երբ որբ է հոգին,

Ողբացող չկա …

Եկ մի կողմ թողնենք

Քաոս ու կական,

Մտահոգվելով

Որբուկիս մասին:

Մարմնավաճառի

Զեխ մարմնից էլ սին

Երբ հոգիները

Թափառում են ԲՈՐԲ,

Երբ հոգիները

Թափառում են ՈՐԲ,

Եկ փառաբանենք

Այն Մեծ Հանճարին,

Որ հանդուրժում է

Շվայտացողին :

Երբեք մի դատիր

Մարմնավաճառին –

Նա վաճառում է

Մի լեշ անցողիկ :

Թեև մենք լեշից

Տարբեր ենք այնքան,

Որքան տարբեր է

Մարտը ապրիլից,

Բաժակը ջրից,

Ծուխը կրակից:

(Ու մեր ծխացող

Ցավին կարեկից

Մնում է լեշը

Քարշ տալ պատարագ …)

Թեև մենք լեշին

Նման ենք այնքան,

Որքան նման է

Մարտը ապրիլին,

Բաժակը ջրին,

Ծուխը կրակին:

Ու կարկինի պես’

Կարճ ու անորակ,

Որ քառակուսի

Գծել չի կարող,

Գծում ենք կրկին

Երկու կլորակ –

Ու այն էլ մեկը

Մյուսին խանգարող :

Եկ մի կողմ թողնենք

Քաոս ու կական,

Ու մարդկայինը

Դարցնենք ”ՄԱՐԴԿԱԿԱՆ” ,

Հանգավորումը չխափանելով

ՈՒ մեկը մյուսին չխանգարելով

“ՔԱՈՍ”-ը դարցնենք

Մի կարճ հապավում –

”Քրտինքն Արդարև Ոգու Սատարում” :

Ու ով քաոսը

Դարցրել էր վատ բառ

Ու խայտառակել

Բառառաններում

Թող որ ամաչի

Ու հայցի ներում:

Զի խայտառակված

Բառը հանդուրժել

Կարող է միայն

Մարմնավաճառը,

Ում մարմինն է որբ

Ողբում է հոգին,

Երբ որբ է հոգին,

Ողբացող չկա:

Եկ մի կողմ թողնենք

Քաոս ու կական:

Հեղինակ՝ Գայա Ասատրյան

Սեղմեք այստեղ՝ ստեղծագործությունը Գրքամոլ էջում կարդալու համար:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: