Grqamol.am » Ստեղծագործություններ » Ընթերցողից » Նորիկ Հերգնյան «Սերը»

Նորիկ Հերգնյան «Սերը»

Սերը

Սերը կիսում են համբույրով միայն
Ու համբույրով են արթնացնում սերը:
Սերը հայտնում են գաղտնի, կիսաձայն
Ու փաղաքշանքից դողում է սերը:

Սիրո գաղտնիքը հայտնում են մեկին
Ու պարզ քնքշությամբ լռում են մի պահ,
Անհայտ թրթիռով հուզվում է հոգին –
Դառնում է երազ, դառնում է մուսա:

Ջերմագին սիրուց երգեր են ծնվում,
Մանկան ծիծաղով պարուրված երգեր,
Սիրո երգերից վերքերն են փակվում,
Դառնում են անցորդ, թողնում են հետքեր:

Սերը մարում է դանդաղ ու լռին,
Հպարտության է սերը վերածվում,
Սերը ձուլվում է մեր նուրբ աչքերին
Ու մեր աչքերից ցած է գլորվում:

Սերը կիսում են համբույրով միայն
Ու համբույրներով ապրում է սերը:

Հեղինակ՝ Նորիկ Հերգնյան

Սեղմեք այստեղ՝ ստեղծագործությունը Գրքամոլ էջում կարդալու համար:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: