Grqamol.am » Ստեղծագործություններ » Ընթերցողից » Փոքրիկի նամակը՝ Արցախում զոհված հայրիկին. «Գիտեմ, որ երբեք չես կարդալու նամակս, բայց, մեկա, գրում եմ»

Փոքրիկի նամակը՝ Արցախում զոհված հայրիկին. «Գիտեմ, որ երբեք չես կարդալու նամակս, բայց, մեկա, գրում եմ»

Փոքրիկի նամակը՝ Արցախում զոհված հայրիկին.

«Գիտեմ, որ երբեք չես կարդալու նամակս, բայց, մեկա, գրում եմ»: Այս նախադասությամբ էր սկսվում 11-ամյա տղայի նամակը, որը մայրը պատահաբար գտել էր և ուղարկել խմբագրություն, որ հրապարակենք: «Բարև, պապ ջա՛ն: Արդեն երկրորդ օրնա, որ Ղարաբաղում էլ չեն կրակում, Դավոյի պապան հետա եկել… Եկավ մեր տուն, ինձ գրկեց ու գնաց, բան չասեց: Զգացի, որ չկարողացավ լացը զսպել, դրա համար էլ բան չասեց: Ես էլ լացեցի պապ, ուզում էի չգրեի, որ լացել եմ, գիտեմ, որ կջղայնանաս վրաս, բայց գրում եմ: Ուզում եմ սաղ անկեղծ պատմեմ քեզ: Ես էլ եմ իմ վրա ջղայնանում, բայց ի՞նչ անեմ, նենց պահեր են լինում, որ չեմ կարում զսպեմ ինձ… բայց նենց եմ անում, որ մաման հանկարծ չտեսնի ինձ լացելուց: Պետք չի չէ՞, որ տեսնի: Մամանելա նույն բանն անում պապ: Ինքնելա նենց լացում, որ ե՛ս չտենամ: Մեկ-մեկ զգում եմ, որ մտնումա ձեր սենյակ, դուռը փակումա ու մի քանի րոպե դուրս չի գալիս… երկուսս էլ լացում ենք, բայց առանձին առանձին, իրարից թաքուն: Ոչինչ պապ ջան, էս սկիզբնա, հեսա մի քանի օրից խելքս գլուխս կհավաքեմ ու տղամարդավարի կպահեմ ինձ: Ամեն ինչ լավա լինելու պապ ջան: Խոսք եմ տալիս քեզ, որ մամային կյանքում ոչ մեկ չի նեղացնի, իսկ եթե մեկն էլ ուզենա տենց բան անի, էն օրը կքցեմ, ոնց դու էտ թուրքերին արեցիր: Պա՛պ, Դավոյի պապան ամբողջ աշխարհին քեզնիցա պատմում ու գլուխա գովում, որ քո պայթացրած տանգը իրա աչքովա տեսել: Պապ, որ ամուսնանամ տղերքիս քո անունն եմ դնելու: Պապ ուզում եմ առաջին անգամ ասեմ, որ կարոտել եմ քեզ ու քեզ շա՜տ եմ սիրում: Իմացի պապ ջան, ինչ արել ես, լավ ես արել: Ես երջանիկ եմ, որ քո տղեն եմ»:

Աղբյուրը` Yelaket.am



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2016 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: