Grqamol.am » Ստեղծագործություններ » Ընթերցողից » Շուշան Հարությունյան «Սիրում եմ նկարել»

Շուշան Հարությունյան «Սիրում եմ նկարել»

Սիրում եմ նկարել, բայց բառերով: Նկարել քեզ, ինձ… Բայց երբեմն ներկերիս պաշարը չի հերիքում ավարտել նկարս: Սովորական կյանքում ես իրոք նկարում եմ, նկարում եմ ներկերով, մատիտներով ու գույներով: Իսկ երազանքներիս մեջ նկարում եմ առանց վրձին, լոկ աչքերով ու մտքերով: Սիրում եմ նկարել քեզ…Սիրում եմ նկարել քո ձայնը… Գիտես, յուրաքանչյուր տառ, թիվ ու բառ իմ մտքի մեջ գույն ունեն, նույնիսկ անունները մարդկանց: Իմ անունը գիտես, յասամանագույն է, հա հենց յասամանի գույն, ոչ թե մանուշակի: Գույներն էլ ունեն իրենց տեսակները: Քո անունը,,,ուզում եմ սպիտակ լինի, մաքուր, անբիծ:
Սիրում եմ նկարել իմ երազանքները, որոնք…չեն իրականանում… Սիրում եմ նկարել ձեռքերիդ ջերմությունը… հա հենց ջերմությունունը, ոչ թե ձեռքերդ:
Սիրում եմ նկարել շունչդ, այն էլ երբ լինում է ձմռանը` գոլորշու տեսքով:
Սիրում եմ բոլոր գույները, բայց կտավս միշտ կիսատ է մնում…
Սիրում եմ նկարել իմ բառերը…ես նկարիչ եմ, իսկական նկարիչ, մի տարբերությամբ, ես նկարում եմ արագ ,անթերի, որտեղ ցանկանամ ու երբ ցանկանամ: Ես նկարիչ եմ իմ բառերով, իմ մտքերով, իմ աչքերով ու իմ սեփական գույներով… Պաշտում եմ նկարելը…

Հեղինակ՝ Շուշան Հարությունյան

Սեղմեք այստեղ՝ ստեղծագործությունը Գրքամոլ էջում կարդալու համար:



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: