Grqamol.am » Ստեղծագործություններ » Ընթերցողից » Վահան Մովսիսյան «Մի՞թե ունենք ազատություն»

Վահան Մովսիսյան «Մի՞թե ունենք ազատություն»

Մի՞ թե ունենք ազատություն…
Ով ինչ ուզում, այն անում է,
Ամբողջ բանն էլ, դրանում է,
Որ պետք չէր մեզ նմանատի՛պ ազատություն,
Որ շինարար հայի որդին, ձեռք չբերեր հանցագործի ազդեցություն,
Հայ աղջիկը, որ չպարեր արաբական պորտապարեր
Փոխարենը՝ իրեն վայել նազանքներով պիտի պարեր,
Որ քահանան լիներ սուրբ մարդ, ոչ թե մաֆիա կառավարեր,
Ոստիկանն էլ իր պատիվը՝ կոպեկներով չվաճառեր,
Ընտրությունում ում ընտրեին, նա էլ հաղթեր,
Անճար մարդն էլ՝ չմտածեր, թե ինքն ինչպես արտագաղթեր,
Գործարարը՝ մնար միայն գործարար,
Որ արդյունքում չունենաինք ոչ մի տգետ նախարար,
Որ բժիշկը գործի չանցներ ծանոթով
Իր կատարած չարիքի դեմ, որ չմնար ամոթով,
Ու՞մ , ինչ ասե՞ս. ով ինչ ուզում, այն անում է,
Ու երկիրը կործանվում է…

Ու թե հանկարծ այս ամենից հետո անգամ դուք չամաչե՛ք,
Չափ ու սահման չճանաչե՛ք,
Հազարավոր մարդկանց կանչե՛ք,
Ավելի ճիշտ պարտադրելով՝ բերեք ցույցի, իսկ դուք բեմին հերթով հաչե՛ք,
Ինչ որ ծեծված կոչեր գոչեք,
Ու գումարած այդ ամենին, այս ամենն էլ ազատություն, եթե կոչե՞ք,
Դե այդ դեպքում, անհետ կորչե՛ք,
Ցրտում սառչե՛ք 
Կամ էլ վառվե՛ք, մոխիր դառնաք, ու նոր հանգչե՛ք,
Բայց մինչև այդ, թող որ լինի ձեզ բոլորիդ ի գիտություն,
Որ կազատվի ազգը ձեզնից, ու կունենանք մենք վերջապես ազատությո՛ւն…

Հեղինակ՝ © Վահան Մովսիսյան



Yandex.Metrica Display Pagerank

Բոլոր հեղինակային իրավունքները պաշտպանված են. Copyright © 2013-2017 Grqamol.am: All Right Reserved
Այլ կայքերում կամ հեռուստառադիոընթերցումներում մեջբերումներ անելիս հղումը Grqamol.am-ին պարտադիր է: